Jorge Tuya Rivas ye un cantante asturianu de tonada.
Entamó a interesase pol mundu de la tonada gracies al ambiente familiar, yá que so padre yera cantador, y al sofitu qu'atopó en Javier Díaz, Javier el d'Arroes, gran coleicionista de discos que punxo a la so disposición tola so coleición.
Como cantante dio los sos primeros pasos nos concursos de tonada de Radio Oviedo. Nos escenarios obtuvo alredor de mediu centenar de primeros premios, de los que cinco fueron nel Teatru Campoamor, d'Uviéu. Fizo un gran númberu de grabaciones tanto en solitario como en cuartetu (formó parte de Los cuatro ases de la toná) o voz dialogada. Incluso llegó a grabar col grupu Boides, como voz solista, los cantares Tengo de subir al puertu y Carretera d'Avilés, del so trabayu Asturies: Camín de Compostela. Igualmente tien grabaos cantares como Adiós, pueblín de Seloriu; Cuando vienes d'arrendar; Baxaben cuatro ayeranos; A la salida del Sella; ...
Nel añu 2010 convirtióse nel primer ganador del Concursu d'Asturianaes de la Comarca de la Sidra. En 2014 y 2015 algamó'l primer premiu del Concursu de Tonada Cuenca del CaudalLos campeones del concurso "Cuenca del Caudal" reciben hoy sus premios La Nueva España, consultao'l 03.05.2014Liliana Castañón y Jorge Tuya ganan el Concurso de tonada "Cuenca del Caudal" La Nueva España, consultao'l 13.05.2015
Jorge Tuya foi reconocíu como Asturianu del Mes pol diariu La Nueva España, en xuno de 2012 en reconocimientu pola so trayeutoria nes últimes décadesJorge Tuya, «Asturiano del mes» de junio como leyenda viva de la tonada contemporánea La Nueva España, consultao'l 22.06.2017
Formó parte ininterrumpida de los reconocíos polos premios a les meyores voces del añu concedíos nel Memorial Silvino Argüelles dende'l so establecimientu nel añu 2003.
Referencies
Enllaces esternos
Categoría:Cantantes d'Asturies Categoría:Cantantes de tonada Categoría:Persones de Villaviciosa