L'Enciclopèdia en valencianu ye una enciclopedia en llinia de la Comunidá Valenciana escrita en valencianu y creada'l 2 d'avientu de 2007. El 2 d'ochobre de 2022 cuntaba con un total de 25.443 artículos.
Carauterístiques L’Enciclopèdia utiliza'l programa llibre MediaWiki y ye ellaborada por voluntarios, yá que al igual que munches wikis, cualesquier internauta puede collaborar nella.
Según afirma L’Enciclopèdia, ye la "única enciclopedia qu'utiliza una normativa valenciana pal valencianu", les Normes del Puig de la Real Academia de Cultura Valenciana que daten de 1979 y tamién "la única ellaborada en valencianu dende la mesma Comunidá Valenciana y empobinada a una audiencia valenciana".
L'Enciclopèdia tien ente los sos oxetivos el desenvolver una enciclopedia en valencianu de conteníu llibre y espublizar la llingua y la cultura valenciana n'internet.
L'Enciclopèdia asoleyó en febreru de 2015 una versión de la wiki pa dispositivos móviles que facilita la navegación a los usuarios.
La Real Academia de Cultura Valenciana dio a L'Enciclopèdia el 6 d'abril de 2022 un diploma en reconocencia pola so contribución al desenvolvimientu, usu y afitamientu de la llingua valenciana y de les Normes del Puig.
Estadistíques Númberu total d'artículos a lo llargo del tiempu: Fecha Artículos avientu, 2007 - 7 marzu 2009 500 7 mayu 2009 1.000 18 xunu 2009 5.000 26 avientu 2014 10.000 28 xunu 2019 15.000 24 payares 2020 20.000 14 setiembre 2022 25.000 21 ochobre 2023 30.000 31 agostu de 2024 35.000 12 agostu de 2025 40.000
Referencies
Enllaces esternos
Categoría:Enciclopedies en llinia Categoría:Idioma valencianu