Tenararo ye l'atolón más pequeñu del grupu Acteón, na rexón sureste de les islles Tuamotu, na Polinesia Francesa.
Alministrativamente, forma parte de les islles Gambier.
Xeografía La islla más cercana a Tenararo ye Vahanga, a 6 km en dirección este.
L'atolón atópase a 2204 kilómetros al sureste de Tahití, y a 115 km de les islles Gambier.
L'área total de la superficie terrestre ye de 2 km² y la llaguna tien 1,6 km².
L'atolón ta despobláu.
Historia La primer mención del atolón per parte de los europeos, foi fecha pol navegante portugués Pedro Fernández de Quirós, el 5 de febreru de 1606. Quirós bautizó al grupu col nome de Los Cuatro Coronaes poles palmes de cocu atopaes na islla. Considérase, sicasí, que la documentación de Quirós ye deficiente.
La primer descripción claramente documentada de la islla, foi fecha en 1833 pol navegante Thomas Ebrill, capitán del Barcu mercante Amphitrite.
Fueron visitaes nuevamente, en 1837, por Edward Russell, comandante del HMS Acteón (1831), que-y punxo el nome actual del archipiélagu.
Nel sieglu XIX, Tenararo convirtióse nun territoriu francés. En 1850 l'atolón taba pobláu por 20 habitantes aboríxenes.
En 1983 l'atolón sufre grandes daños por cuenta de un ciclón.
Fauna y flora L'atolón ye un hábitat importante pa munches especies en peligru. Gracies a que l'atolón ta llibre de depredadores, el so espaciu natural conviértese nun habitat esencial pa la conservación de les especies que alli habiten, ente les que se columbraron 21 especies distintes d'aves.
Referencies
Enllaces esternos Aves avistadas en Tenararo
Categoría:Polinesia Francesa Categoría:Atolones Categoría:Archipiélagos