La ye una especie de mamíferu carnívoru de la familia de los cánidos qu'habita en llurigues a lo llargo y anchu de la tundra, xeneralmente nes llombes.
Hábitat y distribución Les raposes ártiques distribúinse a lo llargo de les tundres del norte d'Europa, Asia y Norteamérica, incluyíes munches islles a les que llegaron caminando sobro'l xelu mientres les glaciaciones.
Descripción izquierda|miniaturadeimagen|Una raposa ártica en Canadá, pelame d'iviernu La raposa ártica tien unes oreyes pequeñes y una capa trupa de pelo blancu que-y dexa subsistir y cazar a temperatures estremes (d'hasta -50 °C). Nel branu, esta capa blanca de pelame llarga camuda por una capa pardu-abuxada de pelame más curtia.Arctic Fox Alopex lagopus En Groenlandia documentáronse exemplares de pelame azulada, carauterística apreciada polos pelliteros y potenciada polos criadores.
Les raposes ártiques miden ente 35 y 55 cm de llargu. El pesu del machu ye 3,5 kg de permediu, con un rangu de 3,2 a 9,4 kg, y el de la fema de 2,9 kg, con un rangu de 1,4 a 3,2 kg."Alopex lagopus" at the Smithsonian
Comportamientu Permanecen actives tol añu y son de los pocos animales que nun enviernen o emigren a otres rexones mientres l'iviernu.Dewey, T. and C. Middlebrook. 2007. "Vulpes lagopus" (On-line). visto 16 de mayu de 2009 at Animal Diversity Web Suelen pasar sobro los bloques de xelu buscando xibartes varaos y carnáu abandonao polos osos polares, a los que siguen mientres díes. Estos suelen inoralos, anque diéronse casos d'ataques d'osos escontra raposes ártiques. Si dalguna raposa ye sorprendida pol destemple branizu a gran distancia de tierra firme, pue acabar nes fauces d'un tiburón. En tierra, los sos depredadores más frecuentes son el llobu y l'uxu de la especie bubo scandiacus.
Alimentación El so principal alimentu consiste en pequeños mamíferos y aves, siendo la so principal presa'l lemin. Tamién consume güevos, y n'ocasiones da caza a los cachorros de foques. Davezu aliméntense del carnáu dexáu por carnívoros más grandes, como los osos polares. Cuando nun atopen carne, peracaben bagues y algues.
Reproducción Esta especie aparéase en marzu, que ye'l mes cuando yá hai camaes de lemmings, que van dexar a la madre alimentase meyor; esta, nel mes de mayu, da a lluz una camada de cinco o ocho cachorros.
Mientres el branu, esta especie forma pareyes monógames que curien conxuntamente de les críes. Nos llugares onde falten los lemmings y otros pequeños mamíferos, como n'Islandia, les raposes ártiques aliméntense casi puramente d'aves marines.
Subespecies miniaturadeimagen| Muda de la pelame estacional, branu (enriba), iviernu (embaxo) Hai cuatro subespecies:
Raposa ártica d'Isles Bering, Alopex lagopus beringensis Raposa ártica d'Islandia, Alopex lagopus fuliginosus Raposa ártica d'Isles Pribilof, Alopex lagopus pribilofensis Raposa ártica de Groenlandia, Alopex lagopus foragorapusis
Referencies
Bibliografía Nowak, Ronald M. 2005. Walker's Carnivores of the World. Baltimore: Johns Hopkins Press. ISBN 0-8018-8032-7
Enllaces esternos
State of the Environment Norway: Arctic fox. Smithsonian Institution - North American Mammals: Vulpes lagopus Categoría:Animales descritos en 1758 Categoría:Especies descrites por Linnaeus Categoría:Xéneros monotípicos de mamíferos Categoría:Cánidos