El ye una especie de primate catarrinu de la familia Cercopithecidae propia del África oriental. Ye la única especie del xéneru Erythrocebus. Estos monos eviten los montes y habiten nes sabanes y zones semidesértiques. El monu patas algama los 85 cm de llargor, escluyendo la cola que mide 75 cm. Hai un evidente dimorfismu sexual porque'l pesu de los machos ye de 7 a 13 kg ente que les femes pesen de 4 a 7 kg. El so pelo ye de color acoloratáu más escuru na tiesta. Los machos presenten melena, barba y bigotes. Algama velocidaes de 55 km/h, siendo'l primate más rápidu.
Vive en grupos de 7 a 15 individuos que dirixe un vieyu machu. Son de vezos diurnos y aliméntense principalmente d'insectos, frutos, fueyes, ya inclusive de güevos y pequeños mamíferos. Al atapecer engaten a los árboles pa pasar la nueche.
Estímase una llonxevidá d'unos 20 años. El periodu de xestación ye de 160 a 167 díes.
Referencies
Enllaces esternos
Categoría:Especies descrites por Schreber Categoría:Xéneros monotípicos de mamíferos Categoría:Animales descritos en 1775