Faaite ye un atolón del archipiélagu de les Tuamotu na Polinesia Francesa. Ta alministrativamente venceyáu a la comuña d'Anaa.
Xeografía Faaite alcuéntrase a 15 km al oeste de Tahanea, l'atolón más cercanu a la islla, a unos 418 km al noroeste de Tahití. Tien una forma ovalada con 26 km de llargor y 12 km d'anchor máximo, con un área de superficie terrestre 9 km². La so llaguna ye de 227 km² y ye accesible por un pasu artificial, llamáu "Teporihoa" escaváu al oeste, cerca del pueblu d'Hitianau.
En 2012, l'atolón taba pobláu por 401 habitantes que viven principalmente n'Hitianau.
Historia La primer mención del atolón por un européu foi fecha en 1803 pol navegante inglés John Buyers. Más tarde foi visitáu por Fabian Gottlieb von Bellingshausen, el 16 de xunetu de 1820 dándo-y a la islla'l nome de Miloradowitch.
Nel sieglu XIX conviértese en territoriu francés, taba poblau por alredor de 150 habitantes, que vivíen d'una pequeña producción d'aceite de cocu.
Referencies
Enllaces esternos Situación del archipiélagu en mapcarta
Categoría:Atolones Categoría:Archipiélagos Categoría:Polinesia Francesa