Å (pronúnciase como la vocal asturiana "o") ye un pequeñu pueblu perteneciente al conceyu de Moskenes, nes Islles Lofoten, nel norte de Noruega.
Con un nome tan peculiar, Å yera un área tradicionalmente pesquera especializada na salazón y desecación de pexes, especialmente de bacaláu. Anguaño, la so economía treslladóse escontra'l turismu.
Nesta área pueden atopase dos museos: el Lofoten Tørrfiskmuseum y el Norsk Fiskeværsmuseum. Ta mentáu pela Carretera del Rei Olaf ( carretera europea E-10).
Otros llugares de Noruega llamaos Å Å ye tamién un luegar bien pequeñu del conceyu de Meldal, provincia de Sør-Trøndelag, Noruega. Esti llugar, enantes (hasta 1917) solletráu Aa, tien el códigu postal 7335 Jerpstad, para poder estrema-y d'otros llugares llamaos Å.
La llocación Å de Lofoten tien la dirección postal 8392 Sørvågen.
Hai tamién una localidá llamada Å en Vesterålen, na provincia de Nordland.
Å significa “regatu” en noruegu. El pueblu col nome mas curtiu del mundu Percorríu por Å, nes islles Lofoten .
La panadería, tamién conocida como Gammelgården (la casa vieya), foi construyida en 1844 nos estilos arquitectónicos típicos de Trønder y Nordland, coles ventanes xusto debaxo de los bistechos. Dempués d'una quema en 1888, l'edificiu foi reconstruyíu n'estilu Imperiu tardíu con un techu de cayuela a dos agües. L'edificiu foi catalogáu como monumentu históricu pola Oficina Central de Monumentos Históricos. Los trabayadores visitantes mientres la temporada de pesca agospiábense equí, xunto colos sirvientes.Maps, llocalización d'Å
Ver tamién Å (lletra) A Vocal
Referencies
Enllaces esternos
El Lofoten Tørrfiskmuseum (n'inglés). El Norsk Fiskeværsmuseum (n'inglés).
Categoría:Llocalidaes de Noruega