Manuel Palomino Arjona ye un artista asturianu rellacionáu principalmente col teatru.
Biografía Ye llicencáu en Filoloxía Hispánica pola Universidá d'Uviéu, col trabayu d'investigación Para una historia del teatro independiente en Asturias (1991), reseñáu polos principales estudiosos del teatru asturianu. Ye aficionáu al teatru dende pequeñu, depués de presenciar les marionetes del Mago Arós. Nel institutu de Roces formó parte del grupu Talía n'obres de García Lorca, Alfonso Vallejo, Buero Vallejo y Jaime Salom. Coautor del ensayu El teatro en Asturias 1975-1989, estrayíu nes Xornaes de Lliteratura (Xixón, 1991), foi críticu teatral en La Voz de Asturias nel suplementu Letras, artes, pensamiento de 1990 a 1994. Dende 1995 dedícase a la infografía na Universidá d'Uviéu.
Dende 2002 formó una colección rellacionada coles artes escéniques, con más de cien mil oxetos que pueden consultase en Flickr, reseñada en La Ratonera; 25 (2009). Ye autor de los llibros Dramaturgia asturiana contemporánea: índice biobibliográfico (Lulu, 2019), Teatro universitario en Asturias (Lulu, 2020), Episodios teatrales asturianos (Lulu, 2023) y d'una colección con más de 60 títulos dedicada a rescatar del olvíu les obres de teatru asturianu, editaes en Lulu. Effekt Verfremdungs ye la so primer esposición, dedicada al Berliner Ensemble (Sala LAi, 2021). A esta siguiríen Furgoneta y manta (2022) sobre Etelvino Vázquez; re#procesando (2023) sobre teatru asturianu, 1963-1990 Escuela de Cartelismo de Polonia (2024) ; 1965-2025: 60 años sin Alejandro Casona (2025) , y Teatro Independiente: autogestión, experimentación y compromiso (2026) como propuestes específiques que coinciden cola celebración del Día Mundial del Teatru.
Obres El teatro en Asturias 1975-1989 (1991) Bibliografía universitaria asturiana (1994, Premiu Padre Patac) Dramaturgia asturiana contemporánea (2019) Teatro universitario en Asturias (2020) Episodios teatrales asturianos (Lulu, 2023)
Referencies
Enllaces esternos
Categoría:Artistes d'Asturies Categoría:Persones de Mieres Categoría:Alumnáu de la Universidá d'Uviéu