Noemí Pinilla Alonso ye una científica asturiana, investigadora na NASA y astrónoma del Florida Space Institute de la Universidá de Florida Central.
Biografía En pasando pola Facultá de Ciencies de la Universidá d'Uviéu, hasta terminar tercer cursu de Física, matriculóse na Universidá de La Laguna en Tenerife onde cursó Astrofísica y llogró'l doctoráu cola tesis Propiedades superficiales de los planetas enanos del cinturón transneptuniano. Noemí Pinilla Alonso foi investigadora nel Institutu d'Astrofísica de Canaries, nel Observatoriu del Roque de los Muchachos en La Palma, nel Centru d'Investigación Ames de la NASA, l'Observatoriu de Valongo, l'Institutu d'Astrofísica d'Andalucía, y na Universidá de Tennessee (Knoxville, Estaos Xuníos) y científica planetaria nel Florida Space Institute.
En 2018 nomáronla responsable científica del Radiotelescopiu d'Arecibo, en Puertu Ricu, el mayor radiotelescopiu del mundu entós, que tuvo un papel clave en numberosos descubrimientos astronómicos per más d'un sieglu, destruyíu y zarráu en 2020. Foi una instalación emblemática nel campu de l'astronomía y un referente para la busca de planetes n'otros sistemes solares.
En 2021, dirixó una de les campañes d'esploración del nuesu Sistema Solar más ambicioses de la historia col fin de poner en práctica el telescopiu espacial James Webb para investigar qué hai más allá de Neptunu.
Ver tamién (10689) Pinillaalonso
Referencies
Enllaces esternos
Categoría:Astrofísicos y astrofísiques d'España Categoría:Científicos y científiques d'Asturies Categoría:Persones d'Uviéu