Arsenio Fernández-Nespral Pérez, El Polenchu foi un cantante asturianu de tonada.
De neñu escuchaba les grabaciones feches por Ángel El Maragatu, Quin el Pescador o Los Cuatro Ases, algamando en 1928 el concursu de canción asturiana de Les Cubes (Llangréu). Otros concursos que ganó fueron:
Concursu de tonada de Llangréu en 1928 y 1949. Concursu de Zamora en 1931. Concursu de Sotrondio en 1931. Concursu del diariu Región.
El nomatu d'El Polenchu púso-ylu Silvino El sastre de Sotrondio pola semeyanza qu'al paecer tenía la so voz cola del míticu Prudencio Merino, gran cantor qu'enxamás grabó y más conocíu como'l Polenchu de Grao.
En 1993 en reconocimientu a la so carrera entregóse-y l'«Urogallo de Bronce», premiu que concede'l Centru Asturianu de Madrid nuna ceremonia entamada nel Palaciu de Revillaxixéu de Xixón.
Arsenio El Polenchu dexó grabaos tres discos con cantares como: Baxo a la mina cantando, Ventanina, Adiós, puente de Sotrondio o Cantar bien neña''.
Referencies
Enllaces esternos
Categoría:Cantantes d'Asturies Categoría:Cantantes de tonada