Montgomery ye una ciudá del estáu d'Alabama, nos Estaos Xuníos. Ye la so capital (y la del condáu homónimu), y tien una población (U.S. Census Bureau, 2020) de 200.603 habitantesQuick facts, Montgomery City (Alabama), na web de la Oficina del Censu.. Eso conviértela na segunda ciudá, dempués de Birmingham, más poblada de tol estáu. Ye tamién centru del área metropolitana de Montgomery, qu'abarca cuatro condaos (Autaga, Elmore, Lowndes y Montgomery) y que ye, colos sos 386.047 habitantes2020 Population and Housing State Data, na web de la Oficina del Censu., la cuarta en población d'Alabama y la 142ª ente toles d'Estaos Xuníos.
Ta situada al sureste de la zona central del estáu, na gran llanura conocida como Gulf Coastal Plain, a la vera del ríu Alabama. Ye conocida con esi nome dende 1819, cuando surdió pola xuntura de dos ciudaes qu'había a la vera del citáu ríu, y convirtióse en capital del estáu en 1846. Foi tamién la primer capital de los Estaos Confederaos d'América, en febreru de 1861, pero esi privilexu duró-y namái que tres meses; en mayu la capital pasó a Richmond (Virxinia).
Ye la sede de la mayoría de les instituciones alministratives d'Alabama, y nella s'asitien tamién la base aérea militar de Maxwell, dos universidaes públiques (la Alabama State University y la Auburn University-Montgomery) y una fábrica de coches de la compañía coreana HyundaiHyundai Motor Manufacturing Alabama, páxina web oficial..
Referencies
Enllaces esternos Páxina web oficial de la ciudá
Categoría:Llocalidaes d'Alabama