Aníbal José Vázquez Fernández foi un mineru, sindicalista y políticu asturianu, bien conocíu por ser alcalde de Mieres dende xunu de 2011 hasta la so muerte en payares de 2023. Arrenunció dende'l primer momentu al sueldu que-y correspondiera como alcalde, en tolos años al mandu de la Corporación nunca cobró de l'alministración pública.
Biografía Entamó a trabayar de bien mozu. Foi tratante de ganáu, repartió cartes del Banco Bilbao y tamién trabayó na construcción, hasta que, con 18 años, entró a trabayar a la mina nel Pozu Llamas (Ablaña). Combinó'l trabayu na mina col fútbol sala, yá que foi un xugador destacáu nel Samartín de tercer división. En 1977 entamó a trabayar nel pozu Nicolasa. Foi ehí onde entró en contactu col sindicalismu (foi miembru de Comisiones Obreres) y cola política. Prexubilóse de la mina en 1998.
Como políticu, presentóse por primer vez a unes eleiciones por Izquierda Xunida (partíu al que taba afiliáu dende 1986) a Mieres nes eleiciones municipales de 2011, resultando alcalde del conceyu. Volvió a ganar, esta vez por mayoría absoluta, nes eleiciones de 2015, 2019 y 2023. Siempres tuvo implicáu nos movimientos sociales y culturales de Mieres:
Cargos Militante d'Izquierda Xunida dende la so fundación. Miembru del órganu permanente de Seguridá Minera na Xunión Europea. Miembru de la Comisión Negociadora del Conveniu Mundial de Seguridá na Organización Internacional del Trabayu. Presidente de la Comisión Mista d'Harmonización de Condiciones de Trabayu na Xunión Europea. Miembru del Conseyu d'Alministración de la Fundación Paul Finet de fines sociales na XE. Responsable Estatal de Seguridá Minera de Comisiones Obreres. Miembru de la Xunta de Participación del Institutu Nacional de Silicosis. Ex-presidente de Conxusta 17. Collaborador de Radio Parpayuela. Ex-presidente y fundador de l'Asociación Cultural y Minera Santa Bárbara. Vicepresidente segundu de la Federación Española de Conceyos y Provincies (FEMP).
Vida privada Casó con Belén, tamién mierense, cola que tuvo dos fíos: Susana (nacida en 1978) y David (nacíu en 1982), que tamién foi mineru como'l so padre y el so güelu. Morrió nel Hospital Álvarez Buylla'l 12 de payares de 2023 depués de lluchar años contra una enfermedá que s'agravara nos últimos meses.
Distinciones Medaya d'Asturies (2004)
Ver tamién Llista d'alcaldes de Mieres
Referencies
Enllaces esternos
Categoría:Políticos y polítiques d'Asturies Categoría:Políticos y polítiques d'Izquierda Xunida Categoría:Sindicalistes d'Asturies Categoría:Comisiones Obreres Categoría:Mineros y mineres d'Asturies Categoría:Persones de Mieres Categoría:Medaya d'Asturies