Joaquín Sobrino Martínez ye un ciclista profesional asturianu que foi profesional ente 2007 y 2016.
Biografía Joaquín Sobrino, que ye fíu d'un ex-corredor profesional asturianu, Antonio Sobrino, debutó dientro del profesionalismu nel añu 2007 col equipu Relax-Gam (de la mano del direutor asturianu Jesús Suárez Cueva y xunto a otros corredores del Principáu, Mario de Sárraga y Santi Pérez), pasando al añu siguiente al Burgos Monumental. La so principal virtú como corredor ye'l sprint, que foi la especialidá na que vien algamando los sos principales trunfos.
En payares de 2011, l' Asociación d'ex-corredores d'Asturies dio-y la insinia d'oro de la mesma, nun actu nel que tamién s'entregaron los reconocimientos a so padre, Antonio Sobrino y a Roberto Heras. El Comercio, 12 de payares de 2011.
La mala situación del mercáu español, asina como la ocasión de vivir esperiencies en países como India, llevólu a fichar pa la temporada 2012 pol equipu griegu SP Tableware J.L.C. La India, primera aventura de Sobrino. El Comercio, 27 d'avientu de 2011.
Palmarés profesional 2008 Vencedor de la segunda etapa de la Vuelta a Navarra Vencedor de la segunda etapa de la Vuelta y Ruta de Méxicu
2009 Vencedor de la primera etapa de la Vuelta a Burgos
2010 1 etapa de la Vuelta a Asturies (como amateur)Esta victoria consiguióla como amateur cola Seleición d'España yá que nun tenía contratu con nengún equipu profesional.
2012 1 etapa del Tour d'Arxelia 1 etapa de la Okolo Jiznich Cech
2013 1 etapa de los Cinco Aniellos de Moscú
Equipos Relax-GAM (2007) Burgos Monumental (2008-2009) Seleición Española (amateur) (2010) Caja Rural (2010)Dende'l 18 de xunu. SP Tableware (2012 - 2013) Team Differdange-Losch (2014) Team Inteja-MMR (2015)
Referencies
Enllaces esternos
Sobrino, Joaquín Sobrino, Joaquín Categoría:Wikipedia:Mantenimientu:Persones ensin plantía NF