GCompris ye un programa de cómputu educativu con diferentes actividaes para neños ente 2 y 10 años d'edá. Dalgunes actividaes son como xuegos, pero siempres educatives. Ente otros, permite deprender y prauticar cálculos y testu, asina como aniciase nel remanamientu d'un ordenador.
Gcompris distribúise como parte principal de la suite de programes de la distribución educativa d'Edubuntu, y ta disponible en llingua asturiana.
Actividaes Actividaes dientro de los siguientes temes:
Descubriendo l'ordenador: tecláu, mur, diferentes movimientos del mur, ... Álxebra: tabla de memoria, enumberación, tabla de doble entrada (balance), imaxe espeyu, ... Ciencia: La canal, El ciclu de l'agua, El somarín, ... Xeografía: Alluga los países nel mapa. Xuegos: axedrez, memoria, ... Llectura: práutica de llectura. Animación: Enseña a los neños los principios básicos de l'animación y permíte-yos criar pequeños dibuxos animaos. Otros: Deprende a dicir la hora, Frañetiestes de pintures famoses, dibuxos por vectores, ...
En total, GCompris abarca más de 50 actividaes y evoluciona constantemente. GCompris ye software llibre; poro, pue adautase a necesidaes particulares.
Referencies
Enllaces esternos
Categoría:Software educativu Categoría:KDE