Amanu tamién llamáu Timanu o Karere ye un atolón de les islles Tuamotu, na Polinesia Francesa. Forma una comuña asociada a la comuña de Hao. Ta asitiáu nel centru y al este del archipiélagu, a 15 km al norte de Hao, comuña de Hao.
Xeografía L'atolón tien una forma ovalada, de 29 km de llargu y 10 km d'anchu. La superficie total ye de 28 km². La llaguna dispón de trés pasos al oeste. Al este hai unos peligrosos petones para la navegación. La villa principal ye Ikitake y la población total yera de 195 habitantes nel censu de 2012. Nun tien infraestructures significatives.
Historia Amanu foi afayáu la vixilia del día de Tolos Santos de 1774, por José Andía y Varela que la llamó Islla de les Ánimes. Foi cartografiáu por Bellinghausen en 1820, col nome de Moller Island. Tamién conocióse col nome de Freycinet.
En 1929 atopáronse los cañones de la carabela española San Lesmes perdida en 1526. Yera la segunda espedición española a les Moluques comandada por García Jofre de Loaisa.García Jofre de Loaisa Al salir del estrechu de Magallanes la carabela San Lesmes perdióse nel Pacíficu. L'investigador australianu Robert Langdon caltién que la carabela encalló n'Amanu, los tripulantes sobrevivieron ya influyeron na cultura de les islles vecines. Nel añu 2000 atopáronse los restos del HMS Hercules, perdíu en 1821.
Referencies
Enllaces esternos
Los Primeros españoles nuna Polinesia por afayar
Categoría:Polinesia Francesa