Belarmina Suárez Muñiz foi una muyer asturiana víctima de la represión franquista que foi condergada a muerte y fusilada.
Biografía Belarmina Suárez Muñiz nació y vivió na localidá asturiana de Bocines, nel conceyu de Gozón. Yera fía de Josefa y Ramón, y taba soltera. Formó parte de la Unión Xeneral de Trabayadores y del Socorru Coloráu Internacional y foi nomada xefa de la prisión de muyeres de Lluanco.
Ingresó na cárcel d'El Cotu de Xixón. El 21 de xineru de 1938, nel Antiguu Institutu Xovellanos, foi sometida a un conseyu de guerra nel que foi condergada a muerte precisamente por causa de la so pertenencia a la UXT y el Socorru Coloráu Internacional, amás de pol so papel na cárcel de muyeres.
El 15 de febreru de 1938 foi executada por fusilamiento a los 29 años. Suárez foi fusilada nel paredón al empar qu'otros trenta homes. El so cuerpu foi refundiáu a una fuesa común nel campusantu de Ciares de Xixón.
Reconocencies El 14 d'abril de 2010, instalóse un monolitu nel campusantu de Ciares de Xixón, nel que se recueye a les 1.934 víctimes de la represión franquista de Xixón, ente les que s'inclúi Suárez.
En 2017, allugóse una placa enfrente del Muséu Nicanor Piñole n'honor a les ocho muyeres represaliaes entre avientu de 1937 y agostu de 1939 pol franquismu en Xixón. Nella méntense, amás de Suárez, Eladia García Palacios, Juana Álvarez Molina, Estefanía Cueto Puertas, Anita Vázquez Barrancúa, Anita Orejas, Teresa Santianes Giménez y Máxima Vallinas Fernández.
Bibliografía
Ortega Valcárcel, M. Enriqueta. 1994. La represión franquista n'Asturies. Executaos y finaos na cárcel del Coto, Xixón. Avilés. Azucel, D.L. 84-86546-51-6.
Referencies
Enllaces esternos
Llistáu de les 1934 víctimes de la represión franquista en Xixón. Audiu del actu d'allugamientu de la placa-homenaxe a muyeres republicanes fusilaes pola represión franquista en Xixón, en SoundCloud. comentando el homenaje a las represaliadas en Gijón, en la Cadena SER.
Categoría:Sindicalistes de la Unión Xeneral de Trabayadores Categoría:Sindicalistes d'Asturies Categoría:Víctimes de la represión na zona franquista