Itziar Castro Rivadulla foi una actriz española conocida principalmente pol so papel de Gоya Fernández en Vis a vis y pola so participación en películes como Campeones o Pieles, pola que foi nominada nos Premios Goya a meyor actriz revelación.
Trayectoria artística miniaturadeimagen|Castro xunto a los compañeros del repartu de Pieles, na conferencia de prensa del Festival de Cine de Berlín de 2017. Nació en 1977 en Pallejà. Empezó la so carrera en 2002, cuando participó nel llargumetraxe Noche de fiesta. Dende entós, participó en ficciones tanto pa la televisión como pal cine, destacando les sos participaciones nEl cor de la ciutat o Algo que celebrar en televisión y nes películes Blancanieves o La sexta alumna en cine. En 2017 fichó pal repartu principal del llargumetraxe dirixíu por Eduardo Casanova Pieles, pol que foi nominada al Goya a meyor actriz revelación y ganadora del premiu Unión de Actores y Actrices na mesma categoría.
En 2018 formó parte del repartu principal de Vis a vis dando vida a Goya Fernández, papel pol que recibió mayor relevancia a nivel televisivu. Amás, participó nos llargumetraxes Matar a Dios y Campeones, y realizó un caméu na segunda temporada de Paquita Salas, onde interpretó a la rexidora del Festival de Tarazona. En xunetu de 2018, fichó como la profesora d'interpretación de l'academia d'''Operación Triunfo 2018, sustituyendo a Javier Ambrossi y Javier Calvo.
En 2019 participó nos llargumetraxes El cerro de los dioses de Daniel M. Caneiro y ¿Qué te juegas? d'Inés de León. En 2020 realizó un caméu na película de Woody Allen Rifkin's Festival y protagonizó la serie de Fox España Vis a vis: El Oasis, amás de tener un papel recurrente na serie de HBO España Por H o por B como Choni. Amás, foi una de les protagonistes dHistorias lamentables , película de Javier Fesser para Amazon Prime Video.
Activismu Tamién foi reconocida pol so activismu LGBT, recibiendo en 2019 un Premiu Plumes de la Federación Estatal de Lesbianes, Gais, Trans y Bisexuales (FELGTB) pol so sofitu al colectivu. En 2021, presentó'l so llibru de poesía lésbica Con el corazón por delante'', con toque autobiográficu, y foi la protagonista del Especial Diversidá dedicáu al lesbianismu de la revista Vanity Fair.
Proclamóse lesbiana, feminista y d'esquierdes.
Fallecimientu Finó la madrugada del 8 d'avientu de 2023 por un paru cardiacu mientres ensayaba una escena d'un espectáculu de natación navidiegu de Lloret de Mar.
Reconocencies A títulu póstumu, concedióse-y la Medaya d'Oru al Méritu nes Belles Artes 2023, una distinción que da añalmente a personaxes de la cultura'l Gobiernu d'España.
Premios Goya
AñuCategoríaTrabayu nomáuResultáu2018Meyor actriz revelaciónPieles
Premios de la Unión d'Actores y Actrices
AñuCategoríaTrabayu nomáuResultáu2018Meyor actriz revelaciónPieles
Premios Buenos Aires Coloráu Sangre
AñuCategoríaTrabayu nomáuResultáu2018Meyor actrizMatar a Dios
Premios Creative Rosebud del Festival de Cine de Calella
AñuCategoríaTrabayu nomáuResultáu2018Meyor actrizMatar a Dios
Premios Fugaz
AñuCategoríaTrabayu nomáuResultáu2018Meyor actrizRIP
Premios CinEuphoria
AñuCategoríaTrabayu nomáuResultáu2019Meyor actriz de curtiumetraxeDespondency
Referencies
Enllaces esternos
Categoría:Actores y actrices de Cataluña Categoría:Feministes de Cataluña Categoría:Activistes LGBT d'España Categoría:Lesbianismu Categoría:Persones de Pallejà