Arantza Margolles Beran , tamién conocía como Arantxa Margolles, ye una historiadora, hemerógrafa, escritora, periodista ya activista na defensa del asturianu. Llicenciada n'Historia pola Universidá d'Uviéu y máster n'Arqueoloxía pola Universidá Autónoma de Madrid, anguaño ye la presidenta d'Iniciativa pol Asturianu.
Trabayu Margolles trabaya nel diariu asturianu El Comercio, donde entamó asoleyando les columnes "Crímenes de ayer en Asturias" y "Crónicas de ayer en Asturias" na so xera como historiadora, tamién espublizó la columna "Con Historia" n'Asturmix. Anguaño asoleya la columna "Viejo Gijón" n'El Comercio.
Presentó'l programa Sentir Asturies na RPA, onde tamién guiónizó amás de presentar el programa "Historias y Misterios". Presenta la estaya "Crónica negra" nel programa Noche tras Noche. Anguaño apaez en Cróniques Ocultes na canal PlayPresta de youtubers n'asturianu y el pódcast d'Hestoria d'Asturies pa El Comercio. Dende 2024 dirixe "A Quemarropa", diariu oficial de la Selmana Negra de Xixón.
Interpreta a Xosefa de Xovellanos en collaboración cola Oficina de Normalización Llingüística de Xixón. Colabora como arqueóloga cola Asociación para la Recuperación de la Memoria Histórica n'Asturies.
Obres
Villafría 1934. Luz en la memoria (2012, coautora) El crimen de ayer. Crónica negra asturiana: 1900-1936 (2012) Una particular serenata de Dvorak: la violencia social y política na Transición (2022) La señaldá yera posible. La militancia política na defensa del asturianu de Xosé Bolado (2023) Fuimos granos d’arena. La solidaridá n’Asturies énte’l desastre d’Annual (ed. Trabe, 2024) Fabada. Historia y simbolismo de un icono asturiano (2025, coautora) Nosotres: Antoloxía fantástica (ed. Radagast, 2025, coautora) Rutas con Historia de Asturias: Caminos con tradición, leyendas y misterios (2026, Delallama)
Premios y reconocimientos
Xixón Fala en 3 (2021) - Primer puestu. Xixón Fala en 3 (2022) - Segundu puestu. Premiu Miradass Violetas (2024) - Categoría Comunicación y Divulgación pol so compromisu cola perspeutiva de xéneru na Hestoria. Residencia Lliteraria de Xixón (2024) Premiu Alfonso Iglesias de cómic en llingua asturiana (2026) - Pola so obra Slečno.
Referencies
Enllaces esternos
Categoría:Escritores d'Asturies Categoría:Ensayistes d'Asturies Categoría:Persones de Xixón Categoría:Activistes d'Asturies Categoría:Arqueólogos y arqueólogues d'Asturies Categoría:Historiadores d'Asturies Categoría:Llocutores de radio d'Asturies Categoría:Periodistes d'Asturies Categoría:Presentadores de televisión d'Asturies