+ Sieglu LXX e.C. Sieglos: Sieglu LXXI e.C. Sieglu LXX e.C. Sieglu LXIX e.C. Décades: Década de 6990 e.C. · Década de 6980 e.C. Década de 6970 e.C. · Década de 6960 e.C. Década de 6950 e.C. · Década de 6940 e.C. Década de 6930 e.C. · Década de 6920 e.C. Década de 6910 e.C. · Década de 6900 e.C. Tabla añal del sieglu LXX e.C.
El sieglu LXX e.C. empezó'l 1 de xineru del añu 7000 e.C. y remató'l 31 d'avientu del añu 6901 e.C..
Contestu históricu
Esti sieglu correspuende al Neolíticu antiguu, etapa na que se desenvolvieron les primeres comunidaes agrícoles sedentaries en diverses partes del mundu. Nesti periodu afítase l'agricultura, la ganadería, la cerámica primitiva y les estructures doméstiques complexes. Esti procesu —conocíu como revolución neolítica— tuvo llugar de forma gradual y esvalixada, y representó un cambéu fundamental na historia de la humanidá..
Fechos Ca. 7000–6950 e.C.: En Tesalia (actual Grecia), apaecen los primeros asentamientos sedentarios con estructures d'adobe y cerámica simple, anteriores a Sesclo y Dimini.. Ca. 7000–6950 e.C.: En Mehrgarh (Baluchistán, actual Paquistán), xurde ún de los primeros asentamientos del sur d'Asia con evidencies de cultivu de trigu, cebada y domesticación d'animales.. Ca. 7000–6900 e.C.: Na llanura de Mesopotamia y Anatolia oriental empieza l'agricultura sistemática, con cultivos de trigu y cebada y la domesticación de cabres y oveyes. Ca. 7000 e.C.: La población de Çatalhöyük, n'Anatolia Central, llogra un grau notable de complexidá social. Constrúyense edificaciones contigües de barru, ensin cais, con entraes dende'l techu y decoración mural. Hai enterramientos intradomésticos..
Fósiles y restos humanos Ca. 7000–6900 e.C. En Çatalhöyük documentáronse diversos enterramientos humanos dientro de les viviendes. Munchos restos presenten trazos de ritual, como pintura ocre sobre los güesos y posicionamientu flexonáu, lo que suxer un simbolismu relixosu o familiar..
Arte Ca. 7000 e.C.: nel asentamientu neolíticu de Xericó (actual Palestina), desenvuélvese una práutica funeraria singular: l'enyelsáu de cranios humanos. Esta forma d'arte ritual implicaba modelar faiciones sobre los güesos craniales con yelsu y decoralos con pintures o materiales como conches nos güeyos. Considerada una de les primeres manifestaciones del arte funerariu y del cultu a los antepasaos na historia humana, la tradición yá se documenta nesti sieglu.
Referencies
Enllaces esternos
Categoría:Sieglos