La Primer Dinastía d'Exiptu, tamién conocida como Dinastía I, ye'l nome que recibe la primer serie de reis del Exiptu antiguu que gobernaron el país unificáu. Sicasí, la identificación precisa del primer monarca sigue siendo oxetu de discutiniu ente los exiptólogos: dalgunos estudiosos atribúin la unificación a Menes, ente que otros señalen a Narmer.. La capital del poder na dómina taba centrada en Thinis y marca l'empiezu del Periodu dinásticu tempranu.
La datación d'esta dinastía varía según les cronoloxíes propuestes y depende en gran midida de les pruebes arqueolóxiques y dataciones radiocarbóniques. Dientro de la Edá del Bronce temprana, esta etapa pudo entamar nunes feches comprendíes ente los sieglos Sieglu XXXIV e.C. y Sieglu XXX e.C.
Un estudiu de 2013 basáu en datación radiocarbónica y modelización bayesiana calculó que la entronización de Hor-Aha, segundu rei de la Primer Dinastía, asocedió ente 3111 e.C. y 3045 e.C. (con una probabilidá del 68%), o ente 3218 e.C. y 3035 e.C. (con una probabilidá del 95%).. El mesmu estudiu indicó que la entronización de Den, sestu rei de la dinastía, pudo asoceder ente 2928 e.C. y 2911 e.C. (68% de probabilidá), anque otres análisis más de recién, como un estudiu de 2023, planteguen una fecha más temprana: ente 3011 e.C. y 2921 e.C., con una marxe más amplia ente 3104 e.C. y 2913 e.C.
Referencies
Enllaces esternos
Categoría:Dinastíes d'Exiptu Categoría:Antiguu Exiptu Categoría:Sieglu XXX e.C. Categoría:Sieglu XXXI e.C.