ye un políticu d'Estaos Xuníos y miembru de l'Asamblea del Estáu de Nueva York dende 2021, onde representa'l 36u distritu de l'Asamblea Estatal de Nueva York, con sede en Queens. Militante del Partíu Demócrata y de los Socialistes Democráticos d'Estaos Xuníos, ye'l candidatu oficial demócrata a l'alcaldía de Nueva York nes eleiciones de 2025.
Fíu del académicu Mahmood Mamdani y la cineasta Mira Nair, Mamdani nació nuna familia d'orixe indiu. La so familia emigró a Sudáfrica cuando tenía cinco años y darréu a Estaos Xuníos, instalándose en Nueva York. Cursó estudios nel Bronx High School of Science y llogró un grau n'estudios africanos en Bowdoin College. Trabayó como conseyeru d'accesu a la vivienda y músicu de hip-hop antes d’empezar la so carrera política como xefe de campaña de Khader El-Yateem y Ross Barkan.
Nel añu 2020 llogró la eleición pa l'Asamblea estatal, venciendo a la entós titular Aravella Simotas nes primaries del so partíu. Foi reelixíu ensin oposición en 2022 y 2024. N'ochobre de 2024 anunció la so candidatura a l'alcaldía de Nueva York. El so programa inclúi la creación de guarderíes públiques, autobuses urbanos de baldre, supermercaos públicos, una conxelación del alquiler en pisos regulaos, más viviendes asequibles, reformes integraes en seguridá pública y un salariu mínimu de 30 dólares a la hora pa 2030. Tamién propón xubíes fiscales a empreses y persones con ingresos superiores al millón de dólares añal.
Mamdani pronuncióse con firmeza contra'l tratamientu del Estáu d'Israel al pueblu palestín, comprometiéndose a respetar les órdenes d’arrestu del Tribunal Penal Internacional si líderes israelinos visiten la ciudá. Na campaña de les primaries demócrates de 2025, recibió apoyos relevantes como los de Bernie Sanders y Alexandria Ocasio-Cortez. El 24 de xunu de 2025 ganó la nominación oficial demócrata, superando a Andrew Cuomo y otros nueve candidatos.
Referencies
Enllaces esternos
Categoría:Políticos y polítiques d'Estaos Xuníos Categoría:Persones de Kampala