La Fundación Escuela Asturiana de Estudios Hispánicos ye una fundación formada en 1979 col envís d'organizar o collaborar n'estudios, seminarios, reuniones científiques o publicaciones que faigan referencia, nun sentíu ampliu, al ámbitu cultural hispánicu. Creada polos profesores Enrique Fuentes Quintana, Juan Velarde Fuertes, José Luis Baranda Ruiz, Manuel Álvarez-Valdés y Valdés, Teodoro López-Cuesta Egocheaga y José Luis García Delgado, ye dirixida anguaño por Teodoro López-Cuesta Egocheaga, y cunta, pa desendolcar la so actividá, col patrociniu del gobiernu del Principáu d'Asturies, de la Universidá d'Uviéu, del Ayuntamientu d'Avilés y de delles de les principales empreses asturianes y españoles.
Ente les sos actividaes rescamplen, pola so importancia y sonadía nos medios de comunicación, los Cursos de La Granda, que s'organicen en La Residencia La Granda tolos veranos. De temática variada y abiertos a cualesquiera que quiera apuntase a ellos, axunten a importantes intelectuales hispanoamericanos y españoles que debaten alrodiu de temas económicos, políticos, culturales...
Referencies
Enllaces esternos Páxina web de la fundación
Categoría:Fundaciones d'Asturies