Martjanci (pronunciáu [maɾˈtjaːntsi]; en prekmuru: Merčonci, n') ye una llocalidá del conceyu Moravske Toplice de Transmurania n'Eslovenia.
Tien una superficie de na que viven un total de , alcuéntrase a unos 194 metros sobre'l nivel del mar. Llenda coles siguientes llocalidaes: Andrejci, Mlajtinci, Moravske Toplice, Nemčavci, Noršinci, Puconci, Sebeborci. Alcuéntrase al norteste a 4 km de Murska Sobota, la capital de Transmurania, n'enllanada (Ravensko) de la rexón.
La llocalidá foi mentada per primer vegada en 1365 col nome de Zenthmartun. Naquella dómina yá esistía una ilesia gótica n'honor a San Martín, qu'inda esiste. Mientres la reforma protestante, la ilesia tamién se volvió protestante. Nesa dómina había luteranos y calvinistes nel pueblu. Cuando surdió un conflictu ente les dos comunidaes relixoses, los calvinistes fueron espulsaos nel sieglu XVII.
El pueblu Martjanci xuega un papel importante na hestoria llingüística y cultural de Transmurania, porque los primeros documentos de la llingua prekmura creáronse equí nos sieglos XVI y XVII. L'antiguu himnariu de la ilesia en Martjanci foi l'empiezu de la lliteratura prekmura. El 1 de xineru de 1643 roblóse el contratu de Martjanci sobro l'arrendamientu de los viñeos en Vučja Gomila, que tamién ta escritu en llingua prekmura.
Na Contrarreforma, los católicos recuperaron la ilesia de los luteranos. Coles mesmes, los católicos tamién retomaron l'himnariu de la ilesia de los luteranos y utilizaron los sos himnos en llingua prekmura.
Una parte importante de los habitantes del pueblu siguen siendo luteranos y pertenecen a la parroquia protestante en Moravske Toplice. En 1933 construyóse en Martjanci una ilesia luterana que ye utilizada dacuando polos creyentes.
Nel sieglu XIX Martjanci yera una ciudá de mercáu. El pueblu pertenez a Eslovenia dende 1919.
Personaxes pernomaos Jožef Pusztai (1864–1934), escritor y periodista
Referencies
Bibliografía
Enllaces esternos
Categoría:Llocalidaes de Transmurania