Sveti Jurij (pronunciáu [ˈsʋeːti ˈjuːɾii̯]; en prekmuru: Sveti Güri, n') ye una llocalidá del conceyu Rogašovci de Transmurania n'Eslovenia.
Tien una superficie de na que viven un total de , alcuéntrase a unos 236 metros sobre'l nivel del mar. Llenda coles siguientes llocalidaes: Dolnji Slaveči, Fikšinci, Kramarovci, Rogašovci, Večeslavci. Alcuéntrase al noroeste a 32 km de Murska Sobota, la capital de Transmurania, na zona montesa de la rexón (n'eslovenu goričko).
La llocalidá foi mentada per primer vegada en 1365 col nome de Arnoldfyamiklosfolua. En 1366, l'aldega foi mentada como Zenthgyewrgh (San Xurde). L'antigua ilesia del pueblu foi construyida n'honor a San Xurde. Los oríxenes d'esta ilesia remóntense al sieglu XII o XIII. Nel sieglu XIV la ilesia tenía aspeutu góticu, pero nel sieglu XVII foi remocicada y abovedada n'estilu barrocu.
Mientres la reforma protestante, la ilesia tamién se volvió protestante. En 1601, los protestantes tamién fundaron una escuela onde enseñaban n'eslovenu (prekmuru) y alemán. Amás de los luteranos, en Sveti Jurij tamién había calvinistes, pero más tarde españó un conflictu relixosu y los luteranos foros espulsaos. L'últimu sacerdote luteranu predicó na ilesia en 1672. Depués empezó la recatolicización y la ilesia foi devuelta a los católicos.
Anguaño nel pueblu siguen viviendo munchos luteranos y en Gornji Slaveči tienen una ilesia. Hubo un tiempu en que nel pueblu vivía un númberu significativu d'alemanes, xunto a eslovenos.
El pueblu pertenez a Eslovenia dende 1919.
Referencies
Bibliografía
Enllaces esternos
Categoría:Llocalidaes de Transmurania