Mary Winston Jackson foi una matemática ya inxeniera aeroespacial d'Estaos Xuníos, que trabayó pal Comité Conseyeru Nacional para l'Aeronáutica (NACA), que más tarde se tresformaría na NASA. Trabayó nel Centru d'Investigación de Langley la mayor parte de la so vida, empezando como calculista na división de Cálculu del Área Oeste, y más tarde aportaría a la primer inxeniera negra de la NASA. Dempués de 34 años na NASA, Jackson algamó'l puestu más altu posible pa inxenieros, y diose cuenta de que nun podía xubir más ensin ser antes supervisor. Al llegar a esti puntu decidió aceptar una degradación pa pasar a ser directora de dos programes coles mesmes: Federal Women’s Program na oficina d'Igualdá d'Oportunidaes, y del Affirmative Action Program. Nestos cargos trabayó pa influyir tanto na contratación como na promoción de muyeres na NASA, nel ámbitu de la ciencia, la inxeniería y les matemátiques.
Carrera Mary Jackson graduóse en matemátiques y en Ciencies físiques nel Hampton Institute en 1942. Foi miembru de la hermandá Alpha Kappa Alpha. La so trayectoria profesional nun foi direuta a la NASA, antes de xunise al organismu, tuvo dellos cambeos de carrera: Dempués de graduase, Jackson enseñó matemátiques nuna escuela para xente de color nel Condáu de Calvert (Maryland) mientres un añu. Tamién trabayó como tutora d'alumnáu d'institutu y universitariu, xera que realizó mientres tola so vida. En 1943, foi contable del Centru Comuñal Católicu Nacional en Hampton. Dempués d'esto trabayó como recepcionista y emplegada nel departamentu de Salú del Hampton Institute; atayó el so trabayu al nacer el so fíu. En 1951 entra a trabayar como emplegada na Oficina del Xefe, del Campamentu de les Fuerces Armaes en Fort Monroe. En 1951 entra a trabayar pal Comité Conseyeru Nacional para l'Aeronáutica (NACA). Empezó la so carrera como matemática d'investigación, o computista, nel Centru d'Investigación de Langley na so ciudá natal de Hampton, Virginia. Trabayó so les ordes de Dorothy Vaughan na sección segregada conocida como Sección d'Informática del Área Oeste. En 1953 aceptó una ufierta para trabayar pal inxenieru Kazimierz Czarnecki nel Túnel de Presión Supersónicu, un túnel de vientu de 1,2 por 1,2 metros y 45000 quilovatios, usáu para estudiar les fuerces sobro un modelu al xenerar vientos de casi dos vegaes la Velocidá del soníu. Czarnecki animó a Jackson a preparase pa xubir a inxeniera. Pa consiguir la promoción a inxeniera, Jackson precisó llicenciase en matemátiques y física en cursos nocherniegos. Los estudios taben xestionaos pola Universidá de Virxinia pero realizabense nel institutu de secundaria de Hampton, que yera naquel momentu una institución tan solo pa blancos, polo que Jackson hubo de presentar un pidimientu al conceyu de Hampton por que-y dexaren asistir a les clases. En completando los cursos, foi promovida a inxeniera aeroespacial en 1958 siendo la primer muyer negra qu'algamó el grau d'inxeniera na NASA. Pasó entós a trabayar analizando los datos de los esperimentos del túnel de vientu y tamién de datos llograos con vuelos de naves reales na Sección d'Aerodinámica Teórica de la División d'Aerodinámica Subsónica y Transónica en Langley. El so oxetivu yera entender el fluxu d'aire, incluyendo les fuerces d'emburrie y arrastre. Finalmente decidió dexar la NASA en 1979.
Bibliografía Timmons, Greg (6 d'avientu de 2016). «Mary Winston-Jackson» (inglés). Biography.com. Consultáu'l 16 de xineru de 2017. «Mary Winston Jackson» (inglés). Legacy. Daily Press (13 de febreru de 2015). Consultáu'l 16 d'agostu de 2016. «Mary Jackson Biography» (inglés). NASA. Archiváu dende l'orixinal, el 17 d'avientu de 2016. Consultáu'l 15 de xineru de 2017. Warren, Wini (1999). Black Women Scientists in the United States (en inglés). Bloomington, Indiana, USA: Indiana University Press. pp. 126. ISBN 9780253336033. «Mary Jackson Biography» (inglés). NASA. Archiváu dende l'orixinal, el 17 d'avientu de 2016. Consultáu'l 15 de xineru de 2017. Lewis, Shawn D. (agostu de 1977). «The Professional Woman: Her Fields Have Widened». Ebony (n'inglés) (Johnson Publishing Company) 32 (10). ISSN 0012-9011. «Mary Winston Jackson» (inglés). Human Computers at NASA. Macalester College. Mary W. Jackson (pdf) (n'inglés, pdf) Mary W. Jackson, National Aeronautics and Space Administration, Ochobre de 1979, consultáu'l 16 d'agostu de 2016 Czarnecki, K. R.; Jackson, Mary W. (September 1958), Effects of Nose Angle and Mach Number on Transition on Cones at Supersonic Speeds (NACA TN 4388) (en inglés), National Advisory Committee for Aeronautics, consultau'l 3 d'eneru de 2017. Timmons, Greg (6 d'avientu de 2016). «Mary Winston-Jackson» (inglés). Biography.com. Consultáu'l 16 de eneru de 2017. Jackson, Mary W.; Czarnecki, K. R. (July 1961), Boundary-Layer Transition on a Group of Blunt Nose Shapes at a Mach Number of 2.20 (NASA TN D-932) (n'inglés) Boundary-Layer Transition on a Group of Blunt Nose Shapes at a Mach Number of 2.20 (NASA TN D-932), NASA Langley Research Center, July 1961, consultáu'l 3 de xineru de 2017
Referencies
Enllaces esternos
Categoría:Persones de Virxinia Categoría:Inxenieros ya inxenieres d'Estaos Xuníos Categoría:Persones de la NASA Categoría:Wikipedia:Revisar traducción