Ricardo López-Nuño Díez foi un actor, director y guionista cinematográficu español, conocíu col nome artísticu de Ricardo Palacios.
Biografía Nació na parte sur de Cantabria. Graduóse na Escuela Oficial de Cinematografía de Madrid como actor y director. Nes sos primeres películes apaeció acreitáu como Ricardo López Nuño. Actor habitual nes coproducciones de les décades de 1960 y 1970, pudo vese en munchos spaghetti western y en westerns americanos filmaos en tierres españoles.
Foi tamién una presencia recurrente na filmografía del director madrilanu Jesús Franco. En televisión recuérdase especialmente'l so papel del policía municipal Barrilete na serie Verano azul (1981).
La so filmografía como actor, ente producciones pal cine y la televisión, ronda en total el centenar y mediu de títulos.
Muerte En pasando más d'un mes ingresáu por problemes cardiacos, Ricardo Palacios finó'l 11 de febreru de 2015 por causa d'una insuficiencia cardiaca.
Referencies
Enllaces esternos
Categoría:Actores y actrices d'España Categoría:Persones de Cantabria