Josip Stritar foi un escritor, poeta, críticu lliterariu, dramáticu y traductor eslovenu. Yera un home bien cultu y lleíu que falaba dellos idiomes.
Biografía Les sos poesíes Pesmi (1869) tán enfusaes d'un pesimismu al estilu d'Arthur Schopenhauer, nes que l'amor y la mesma poesía sirven de consuelu al poeta frente a la vida. Escribió tamién Prešernova pisma iz Elizije (Cartes de PrešerenFrance Prešeren foi un gran poeta del pueblu eslovenu. dende l'Elísiu, 1872) y Dunajske sonete (Sonetos vieneses, 1872), la so obra poética más notable, cincuenta sonetos de sátira y discutiniu contra los vieyos eslovenos.
Na narrativa empezó cola novela curtia Svetinova Metka (1868), según Julie ou la Nouvelle Héloïse de Jean-Jacques Rousseau, y la novela Zorin (1870), a la manera d'un Werther eslovenu, en forma de cartes del protagonista que, desesperáu del amor y de la vida, suicídase, aunque nel casu de Stritar el so spleen ye demasiáu abstractu. La estensa novela Gospod Mirodolski (El señor Mirodolski, 1876) sigue'l modelu de The Vicar of Wakefield d'Oliver Goldsmith, el rellatu Rosana (1877) sigue a Johann Wolfgang von Goethe, y la novela Sodnikovi (1878), trata tema orixinal, narra nun realismu moderáu la ruina progresiva d'una familia rural por culpa del dineru.
Como críticu lliteriariu y estéticu escribió su Kritična pisma (Cartes crítiques, 1867-1868) y, sobre manera, les sos Literarni pogovori (Conversaciones lliteraries, 1868) y les sos Dunajska pisma (Cartes Vieneses, 1895-1896) porque con toes elles capacita al idioma eslovenu pa la espresión de reflexones estétiques y culturales más complexes. D'últimes ye autor d'escritos satíricos, como Pesji pogovori (Coloquios de perros, 1870).
Stritar tamién trabayó como traductor de la Biblia al eslovenu modernu. Tradució'l Nuevu Testamentu y dalgún llibros importantes del Vieyu Testamentu. Les sos traducciones fueron publicaes pola British and Foreign Bible Society, lo que provocó crítiques per parte de la ilesia católica eslovena, porque la sociedá yera una organización protestante.
Referencies
Bibliografía
Enllaces esternos
Categoría:Escritores n'eslovenu Categoría:Poetes d'Eslovenia Categoría:Traductores de la Biblia Categoría:Escritores d'Eslovenia Categoría:Escritores de lliteratura infantil d'Eslovenia