Ethiopian Airlines (), enantes Ethiopian Air Lines (EAL), ye la aereollinia de bandera d'Etiopía, y pertenez dafechu al Gobiernu d'Etiopía. EAL fundóse'l 21 d'avientu de 1945 y entamó operaciones el 8 d'abril de 1946, espandiéndose a vuelos internacionales en 1951. La empresa convirtióse en sociedá anónima en 1965 y camudó'l so nome de Ethiopian Air Lines a Ethiopian Airlines.
La aerollinia ye miembru de la International Air Transport Association dende 1959 y de l'African Airlines Association (AFRAA) dende 1968. Ethiopian ye parte de Star Alliance, a la que se xunió n'avientu de 2011. L'eslogan de la compañía ye "The New Spirit of Africa". El so hub y sede alcuéntrense nel Aeropuertu Internacional de Bole n'Adís Abeba, dende onde sirve una rede de 155 destinos de pasaxeros, 22 d'ellos nacionales, y 68 destinos de carga. La aerollinia tien hubs secundarios en Togu y Malaui. Ethiopian Airlines ye la mayor aerollinia d'África no que cinca al númberu de pasaxeros tresportaos, destinos, tamañu de flota ya ingresos. Ethiopian Airlines ye tamién la cuarta mayor aerollinia del mundu pol númberu de países de destín. Ethiopian Airlines ye una filial del Ethiopian Airlines Group, que pertenez dafechu a Ethiopian Investment Holdings, el fondu soberanu d'Etiopía.
Referencies
Enllaces esternos
Categoría:Aereollinies d'Etiopía Categoría:Empreses fundaes en 1945 Categoría:Star Alliance