La islla Migingo (n'uajili: Kisiwa cha Migingo; n'inglés: Migingo island) ye una pequeña islla de 2000 m², allugada nel llagu Victoria, en Kenia.Cadena SER, la islla africana más pequeña y más superpoblada del mundu,
Historia Dos pescadores Kenianos, Dalmas Tembo y George Kibebe, afirmen ser los primeres habitantes de la islla. Joseph Nsubuga, un pescador ugandés, diz que s'instaló en Migingo en 2004, cuando tolo qu'atopó na islla yera una casa abandonada y, darréu, otru pescadores de Kenia, Uganda y Tanzania llegaron a la islla pola so proximidá a zones de pesca riques en perques del Nilo.
Les protestes de Uganda xiren alredor de los derechos de pesca, sobre manera pol valor de la perca del Nilu. En xunetu de 2009, el gobiernu de Uganda camudó la so posición oficial, afirmando que mientres Migingo ye de Kenia, la mayor parte de les agües abargana d'ella yeren de Uganda.
Ente 2008 y 2009, la mesma islla foi reclamada tanto per Kenia como por Uganda. El 11 de mayu de 2009, el presidente de Uganda Yoweri Museveni reconoció que la islla alcuentrase en Kenia, pero siguió señalando que los pescadores de Kenia practicaben la pesca illegal n'agües de Uganda que s'atopen a pocos cientos de metros al oeste de Migingo. Uganda retiró les sos tropes, y alcordóse que tolos sos policias teníen d'abandonar la islla .
La economía de la islla xira alredor de la pesca de la perca del Nilu, una especie introducida na década de 1940 que depredó les especies locales pero ye bien acobiciada polos pescadores.
Xeografía Con un terrén predresu y serrapatosu con poca vexetación, Migingo ye una de les trés pequeñes islles cercanes ente sí. La más grande, la Islla Usingo ta a 200 metros al este del pequeñu rectángulu que ye Migingo, y la islla Piramide, la más grande de les trés, alcuéntrase a 2 kilómetros al sur y a 11 kilómetros al norte de la frontera con Tanzania nel Llagu Victoria. En mapes detallaos, les trés islles fueron amosaes del llau Kenianu dende la década de 1920, cuando la Ordenanza de la Colonia y Protectoráu de Kenia de 1926 axudicó les trés islles a Kenia .
La delimitación de la frontera n'ese alcuerdo y la Constitución de Uganda establecen que la llinea fronteriza cuerre hasta "el puntu más occidental de la Islla Pirámide y depués sigue en llinea recta escontra el norte hasta el puntu más occidental de la Islla Llemba." Una llinea que conecta esos dos puntos pasa a 510 metros al oeste de Migingo, asitiando la islla dientro de Kenia, xunto coles islles más grandes, Pirámide y Usingo, según lo amosaron la mayoría de los mapes dende 1926.
La islla Migingo ye tan pequeña que nun apaez en dellos mapes. Sicasí, nun remaneció " de l'agua" apocayá, a pesar de les afirmaciones d'un funcionariu del gobiernu ugandés. Na primer década del , los niveles de l'agua baxaron solo 0,5 a 1 metro del nivel normal del llagu. Fotografíes recién feches amuesen claramente que la islla alzase ente 10 y 15 metros sobro el nivel del llagu.
Ver tamién Xeografía de Kenia
Referencies
Enllaces esternos
Categoría:Llagu Victoria Categoría:Kenia Categoría:Uganda