Regreso a la aldea perdida ye una web serie de 14 capítulos de 2018 pa la Radiotelevisión del Principáu d'Asturies con guión y dirección del periodista y cineasta Tito Montero y dirección executiva y dirección de producción de Ramón Lluís Bande.«Regreso a la aldea perdida. RTPA - Radiotelevisión del Principado de Asturias :: TPA». www.rtpa.es. Archiváu dende l’orixinal el 23 de marzu de 2025. Consultáu’l 5 d’avientu de 2025. El conteníu de la web ye parte del documental El pasado presente (2018) de Tito Montero.
Temática La serie documental, de 14 capítulos, presenta les distintes realidaes d’Asturies nel tiempu cuando desapaecen los sos principales encontos identitarios ya industriales de magar finales del sieglu XIX hasta la segunda década del sieglu XXI, momentu cuando zarren les mines non competitives por mandáu de la Xunión Europea. Tito Montero parte d’un análisis socioeconómicu de la novela La aldea perdida d’Armando Palacio Valdés (1835-1938) presentando cómo yera la sociedá a fines del sieglu XIX y los sos sofitos nel momentu cuando llega la industria. Plantégase trazar llinies hacia’l presente pa xenerar una tela d’araña con "una visión fragmentada pero global de l’Asturies del sieglu XIX a 2018"«Entrevista a Tito Montero en Vidas públicas, vidas privadas». 13 de payares de 2018..
Equipu téunicu Guión, dirección y montaxe: Tito Montero Producción executiva: Ramón Lluís Bande Dirección de producción: Vera Robert Fotografía: Juan A. García Producción d’imaxen: Dani Álvarez Post-producción de soníu: Antonio de Benito Producción Delegada TPA - Lucía R. Curieses
Capítulos La serie tien 14 capítulos«Regreso a la aldea perdida. 14 capítulos». 2018. p. rtpa.
Capítulu 1 - Los Aguilandeiros de San Xuan de Villapañada piden l’aguilandu pelos pueblos d’esa fastera rural de Grau pa caltener viva una tradición que tuvo perdida demientres setenta años. Duración: 4'45
Capítulu 2 - Marisol y Tino Martínez son de los pocos ganaderos que resisten na so fastera, ocupándose a diario de delles cortes en Cubia y n’otros pueblos de cerca. 4' 45
Capítulu 3 - José Antonio López, l’únicu cura nos valles del Güerna y de Payares, atiende diecisiete parroquies de la zona rural de L.lena. 4' 80
Capítulu 4 - Rosario Buelta, propietaria d’una bodega de vinu de Cangas en Degaña, trabaya dellos viñeos nes arispies lladeres d’Ibias. 4' 75
Capítulu 5 - Elisa Cepedal vuelve de Londres a la Cuenca pa rodar una película sobre’l fin de la minería del carbón n’Asturies. 4' 74
Capítulu 6 - El secretariu xeneral del SOMA, José Luis Alperi, pieslla nel cementeriu civil de Mieres l’homenaxe añal a Manuel Llaneza, que fundó en 1910 el Sindicatu d’Obreros Mineros d’Asturies.
Capítulu 7 - Bernardo García trabaya n’Arcelor Mittal, una de les dos empreses privaes asturianes con más de cinco mil trabayadores. 4' 73
Capítulu 8 - El caderalgu Joaquín Ocampo resume a los sos alumnos más mozos de la Universidá d’Uviéu la historia de la minería n’Asturies. 5'
Capítulu 9 - Max Álvarez, fíu de minero y el primer universitariu de la familia, trabaya na empresa tecnolóxica que más emplegu xenera n’Asturies. 5'
Capítulu 10 - Les cineastes Mar Moreno y Elisa Cepedal viven y trabayen en Londres dende hai más d’una década. 5'
Capítulu 11 - Marina Munárriz estudia na Universidá Complutense de Madrid y vuelve a casa peles vacaciones. Nuna d’eses visites, queda coles amigues pa dir de tiendes pel centru de la ciudá. 4' 45
Capítulu 12 - Onofre Alonso, téunicu de la Sociedad Rexonal de Turismu, acompaña a la periodista y fotógrafa Kris Ubach mentes fai un reportaxe sobre los Picos d’Europa que podría asoleyase na revista Viaxes del National Geographic. 4' 30
Capítulu 13 - Les aficiones del Uviéu y el Sporting aporreten l’estadiu Carlos Tartiere pa ver el primer derbi que se celebra nel campu carbayón en quince años. 4' 45
Capítulu 14 - El 11 de febreru de 2004 Francisco Álvarez-Cascos y Rodrigo Rato inauguraron les obres de la Variante de Payares; el so final taba previstu pa enantes de 2010. 5'
El pasado presente La película "El pasado presente" dirixida también por Tito Montero, estrenada en 2019, amiesta cachos de la serie.«RTPA estrena "Regreso a la aldea perdida", la primera serie documental para internet de la cadena pública asturiana». 17 de setiembre de 2018.
Referencies
Enllaces esternos
Vidas públicas, vidas privadas. Tito Montero (sobre la serie) rtpa .
Categoría:Cine asturianu