Roseanne ye una sitcom d'Estaos Xuníos creada por Matt Williams que s'emitió orixinalmente n'American Broadcasting Company (ABC) dende'l 18 d'ochobre de 1988 hasta'l 20 de mayu de 1997, y que tuvo una breve reposición del 27 de marzu al 22 de mayu de 2018. Protagonizada por Roseanne Barr como Roseanne Conner, la serie céntrase na so familia na ciudá ficticia de Lanford, Illinois. Recibió xeneralmente reseñes positives pola so representación realista d'una familia norteamericana de clase trabayadora, la serie algamó'l númberu 1 na clasificación de Nielsen Media Research de 1989 a 1990 na so segunda temporada.
Durante la emisión orixinal, la serie permaneció ente les cuatro primeres en seis de les nueve temporades, y ente los 20 primeres n'ocho. Na breve reposición, la serie algamó'l númberu 3, con un permediu de 18 millones d'espectadores per episodiu nos nueve capítulos. En 1993, l'episodiu "A Stash from the Past" foi clasificáu col númberu 21 na llista de los 100 episodios más grandes de tolos tiempos de TV Guide. En 2002, Roseanne foi clasificada col númberu 35 na llista de los 50 meyores programes de TV de tolos tiempos de TV Guide. En 2013, foi clasificada col númberu 32 na llista de les 60 meyores series de tolos tiempos de TV Guide.TV Guide Magazine's 60 Best Series of All Time, tvguide.com; consultáu'l 15 de xineru de 2018.
En 2018, emitióse una nueva temporada (la décima de la serie), col regresu del repartu orixinal. Dempués del ésitu del so estrenu, Roseanne foi renovada pa una undécima temporada de 13 episodios. ABC torgó la so decisión y canceló la serie'l 29 de mayu de 2018, dempués de que Barr comparara a la ex-funcionaria de l'alministración Obama, Valerie Jarrett, con Planet of the Apes, nuna serie de comentarios en Twitter.
Una serie derivada centrada na familia Conner ensin Roseanne, titulada The Conners, estrenóse n'ochobre de 2018 y convirtióse nun ésitu d'audiencia, emitiéndose hasta 2025.
Repartu
Referencies
Enllaces esternos
Categoría:Series de televisión d'Estaos Xuníos Categoría:Series de televisión n'inglés Categoría:Series de televisión d'ABC Categoría:Los Angeles