Miguel Ángel Asturias Rosales foi un poeta-diplomáticu guatemalianu, novelista, dramaturgu y periodista. Ganador del Premiu Nobel de Lliteratura de 1967, la so obra ayudó a dar visibilidá a la importancia de les cultures indíxenes, especialmente les de la so Guatemala natal.
Asturias nació y crió en Guatemala, anque vivió gran parte de la so vida adulta nel estranxeru. Vivió primero en París nos años 1920, onde estudió etnoloxía. Dalgunos estudiosos considérenlu'l primer novelista llatinoamericanu n'amosar cómo l'estudiu de l'antropoloxía y la llingüística podía influyir na escritura lliteraria.Royano Gutiérrez, 1993 Mientres la so estancia en París, Asturias averóse tamién al movimientu surrealista, y atribúyese-y la introducción de munches carauterístiques del estilu modernista como'l realismu máxicu na lliteratura llatinoamericana. D'esta manera, ye un precursor importante del boom llatinoamericanu de les décades de 1960 y 1970.
Una de les noveles más famoses d'Asturias, El Señor Presidente, describe la vida baxo un cruel dictador. Influyó en posteriores novelistes llatinoamericanos pola so combinación de realismu y fantasía. La oposición pública d'Asturias al gobiernu dictatorial llevólu a pasar gran parte de la so vida posterior nel exiliu, tanto en Suramérica como n'Europa. El llibru que davezu descríbese como la so obra maestra, , ye una defensa de la cultura maya y les sos costumes. Asturias combinó'l so ampliu conocimientu de les creencies mayes coles sos convicciones polítiques, canalizándoles nuna vida de compromisu y solidaridá. La so obra suel identificase coles aspiraciones sociales y morales del pueblu guatemalianu.
Dempués de décades d'exiliu y marxinación, Asturias finalmente recibió un reconocimientu ampliu nos años 1960. En 1966, ganó'l Premiu Lenin de la Paz de la Xunión Soviética. Al añu siguiente foi galardonáu col Premiu Nobel de Lliteratura, convirtiéndose nel segundu autor llatinoamericanu en recibir esti honor (Gabriela Mistral lo ganara en 1945). Asturias pasó los sos últimos años en Madrid, onde morrió a la edá de 74 años. Ta soterráu nel Cementeriu Père Lachaise de París.
Referencies
Enllaces esternos