Danilo Türk , ye un xurista, diplomáticu y políticu eslovenu.
Türk foi presidente de la República d'Eslovenia dende l'añu 2007 hasta 2012.
Biografía Türk estudió Derechu na Universidá de Belgráu y l'Universidá de Llubliana, onde trabayó dende 1978 como profesor, siendo nomáu en 1995 catedráticu de Derechu Internacional. Ente 1992 y 2000 foi embaxador d'Eslovenia ante les Naciones Xuníes. Kofi Annan nomólu secretariu xeneral axuntu p'Asuntos Políticos de les Naciones Xuníes. Ente otros asuntos, intervieno ante el Conseyu de Seguridá sobro'l conflictu palestín-israelí.
En 2007 decidió presentase a les elecciones presidenciales d'Eslovenia. Na primera vuelta de les presidenciales, el 21 d'ochobre de 2007, llogró un 24,54% del votu, frente a Lojze Peterle, que llogró un 28,50%. Dambos enfrentáronse na segunda vuelta de les presidenciales el día 11 de payares, onde s'alzó cola victoria llogrando el 68,2% del votu.
El so investidura como tercer presidente d'Eslovenia tuvo llugar el 23 d'avientu de 2007, bien pocos díes primeru qu'Eslovenia asumiera la Presidencia de la Xunión Europea.
Türk escribió el primer llibru de testu eslovenu sobro derechu internacional.
Bibliografía
Referencies
Enllaces esternos
Categoría:Presidentes d'Eslovenia Categoría:Diplomáticos y diplomátiques d'Eslovenia Categoría:Embaxadores de les Naciones Xuníes Categoría:Xuristes d'Europa