Iván Cepeda Castro ye un políticu colombianu, filósofu y activista de los drechos humanos. Foi elixíu pa la Cámara de Representantes de Colombia (2010-2014), y dende 2014 ye Senador. Ye miembru del partíu Pacto Histórico.
Biografía Ñaz en 1962 en Bogotá, Cepeda ye'l fíu mayor de los activistes d'esquierda Manuel Cepeda Vargas y Yira Castro. En 1965 a la edá de 3 años, Cepeda y la so familia tuvieron que exiliase por mor la represión política, y mientres los sos primeros años vivió en Praga. Dempués de la invasión del Pautu de Varsovia a Checoslovaquia, la familia de Cepeda guetaría abellugu en L'Habana, Cuba. La familia de Cepeda retonaría a Colombia en 1970, pero siguió siendo un oxetivu de violencia política. El 9 d'agostu de 1994, el so padre foi asesináu nes cais de Bogotá por un grupu paramilitar. Dempués del asesinatu del so padre, xunióse a la Mocedá Comunista.
Con 19 años, Cepeda migró a Sofía, Bulgaria, u estudiaría filosofía na Universidá de Sofía. Cepeda regresaría a Colombia en 1987 como un críticu del modelo soviéticu, al cual consideraba autoritariu, y participaría na campaña presidencia de Bernardo Jaramillo Ossa, quien sería depués asesináu en 1990..
Cepeda más tarde dixebraríase del Partíu Comunista Colombianu, un partíu nel que foi activu mientres la so mocedá, y en 1990 xunióse al partíu Alianza Democrática M-19. Dempués del asesinatu del so padre, creó la Fundación Manuel Cepeda xuntu cola so esposa, Claudia Girón, pa identificar al autor del crime.
Cepeda fundó'l Movimientu Nacional de Víctimes de Crímenes d'Estáu (MOVICE) en 2003, formáu por 17 organizaciones que buscaben xusticia polos crímenes qu'asocedieron mientres el conflictu armáu colombianu nos años 1980 y 1990. Esto llevó a un aumentu de les amenaces violentes escontra Cepeda, polo que tornó al exiliu nel 2000 a Francia. Mientres, graduóse d'un máster en drechos humanos pola Universidá de Lyon. Tornó a Colombia en 2003 pa retomar el so trabayu defendiendo a les víctimes de la violencia estatal y paramilitar en Colombia.
Enfermedá El 27 de marzu de 2018, Cepeda anunció que padecía cáncanu de colon nuna una fas temprana la enfermedad, foi interveníu quirúrxicamente y foi quien recuperase.
Carrera política En 2009, Cepeda entró formalmente nel ámbitu de la política electoral, presentándose a la Cámara de Representantes de Colombia nes eleiciones lexislatives de 2010. Recibió más de 35.000 votos y foi escoyíu pal ente políticu como miembru'l partíu Polo Democrático Alternativo.
A lo llargo de la so carrera política, Cepeda acusó al expresidente Álvaro Uribe de tener venceyos con grupos paramilitares.
En 2014, Cepeda optó por presentase al Senáu de Colombia, recibiendo un total de 84.126 votos y siendo escoyíu. Cepeda foi reelixíu en 2018, ganando 77.842 votos esi ciclu. Cepeda foi reelixíu en 2022.
El 22 d'agostu de 2025, dende la ciudá de Pasto, anunció la so precandidatura pol partíu Pacto Histórico pa les eleiciones presidenciales de 2026. N' ochobre de 2025 foi elixíu candidatu del Pacto Histórico con 1'540.391 votos na consulta presidencial del partíu. En marzu de 2026, anuncia a Aida Quilcué como la so fórmula vicepresidencial nes eleiciones.
Referencies
Enllaces esternos
Categoría:Senadores de Colombia Categoría:Persones de Bogotá Categoría:Filósofos y filósofes Categoría:Activistes