El castiellu de Murska Sobota, tamién llamáu castiellu de Szapáry ye un castiellu allugáu en Transmurania, Eslovenia. El castiellu ta asitiáu en Murska Sobota, la capital de Transmurania, na alamea de Primož Trubar.
En Murska Sobota esistía un castiellu yá en 1255, que nun yera el mesmu que'l edificiu actual. El castiellu actual foi construyíu nel sieglu XIV pola noble familia húngara Széchy, propietaria tamién del castiellu de Grad, nel norte de Transmurania. Darréu, al traviés de matrimonios, el castiellu pasó a ser propiedá de la familia Batthyány. En 1687, el castiellu y les propiedaes fueron adquiríos pola familia Szapáry, de la cual tamién recibió el so nome.
En 1919, Estáu de los Eslovenos, Croates y Serbios adquirió Transmurania. La familia Szapáry vendió el castiellu al conseyu de Murska Sobota en 1934. Anguaño, el castiellu alluga, ente otres coses, el muséu rexonal llocal, el "Pomurski muzej".
L'edificiu del castiellu tien forma cuadrangular regular y zarrada, con torres nes esquines. El llau occidental, frente a la entrada principal, ta atayáu por una gran capiya barroca. La decoración del complexu d'edificios ye d'estilu barrocu, lo cual s'evidencia sobre manera na puerta principal ricamente decorada, con forma d'Atles y tallada en piedra, la fachada de la nala norte y el diseñu de los espacios interiores. Les partes más espectaculares del interior del castiellu son la capiya y el salón de baille de dómina. El patiu interior arrodiáu de portales tamién ye característicu.
Referencies
Bibliografía
Enllaces esternos
Categoría:Castiellos d'Eslovenia Categoría:Murska Sobota Categoría:Transmurania