Ángela Cervantes Sorribas ye una actriz española nominada al Premiu Goya en trés causes, en 2022 como meyor actriz revelación pol so trabayu en Chavalas y en 2023, como meyor actriz de repartida por La maternal, y en 2026, como meyor actriz protagonista, por La Furia.
Biografía Nació en Barcelona, nel senu d'una familia trabayadora del barriu de Poblenou. Ye hermana del actor Álvaro Cervantes.
Dende 2007 empezó a realizar cursos d'interpretación formándose en distintes escueles de Barcelona. El so primer papel importante como actriz llegó en 2014 cola serie La Riera, de TV3. Más tarde empezó a ser conocida por otra serie, Com si fos ahir (TV3), col personaxe secundariu d'Anna.
Debutó nel cine a los 29 años con Chavalas (2021), de Carol Rodriguez Colás, pola que foi nominada al Goya a la meyor actriz revelación de 2022. Ganó'l Premiu Gaudí a la meyor actriz secundaria y un añu dempués, en 2023 llogró tamién la mesma distinción pol so papel de Penélope en La maternal, a les ordes de Pilar Palomero.
En 2025 protagonizó Lo que queda de ti, de Gala Gracia, y La Furia, película dirixida por Gemma Blasco na qu'interpreta a Alex, una actriz que sufre una agresión sexual. Col so personaxe ganó la Biznaga como meyor actriz nel Festival de Cine de Málaga de 2025 compartíu con Miriam Garlo por Sorda. Tamién el Premiu Gaudí a la meyor protagonista femenina 2026.
Esi añu, amás, protagonizó'l curtiumetraxe de Manuel Manrique, Una cabeza en la pared, nomináu a los Premios Goya al meyor curtiumetraxe de ficción 2026.
Referencies
Enllaces esternos
Categoría:Actores y actrices de cine de Cataluña Categoría:Persones de Barcelona