Santi F. Ochoa (nacíu como Santi Fernández Ochoa en Mieres del Camín en 1969) ye un escritor, llicenciáu en Ciencies Polítiques y consultor de mercadotecnia dixital asturianu, vinculáu a la llamada Xeneración de los 90 de la lliteratura n'asturianu.
Trayectoria lliteraria y periodística Llicenciáu en Ciencies Polítiques pola Universidá Complutense de Madrid, en 1993 llogró'l Premiu de Narraciones Trabe cola so primer novela, Los párpagos de Buda (espublizada por Ediciones Trabe en 1994), una obra d'estilu urbanu y realista que supunxo una innovación na narrativa asturiana de la dómina.
En 1996 foi incluyíu na antoloxía Muestra de nuevos narradores, coordinada por Ramón Lluís Bande pa la IV Xunta d'Escritores Asturianos. Asimismo, trabayó como redactor y articulista en prensa llocal y collaboró nel selmanariu d'información xeneral Les Noticies.
Carrera profesional Tres la so etapa como creativu publicitariu, empobinó la so carrera profesional escontra'l sector de la teunoloxía, la comunicación y la estratexa dixital.
Na actualidá ye'l fundador y direutor executivu (CEO) de l'axencia de mercadotecnia dixital Jardín SEM, allugada nel Parque Científicu Teunolóxicu de Xixón (Edificiu IMPULSA). Dende esta organización especialízase nel desenvolvimientu web, la publicidá dixital y la optimización pa motores de busca y sistemes d'Intelixencia Artificial (GEO).
Obra
Los párpagos de Buda (Ediciones Trabe, 1994, ISBN 84-8053-033-2) — Premiu de Narraciones Trabe 1993. Muestra de nuevos narradores, Relatu, "Güela, nun tardes" (Serviciu de Publicaciones del Principáu d' Asturies,1996, ISBN 84-7847-419-6) — Antoloxía coleutiva coordinada por Ramón Lluís Bande. Esconderites, Relatu, "La otra estadística" (Publicaciones Ámbitu, 2002, ISBN ISBN 84-95640-34-1)— Antoloxía coleutiva coordinada por Alberto Suárez, con semeyes de Jorge Iglesias, Kokem.
Referencies
«42 Selmana de les Lletres Asturianes - Programa 13», Radio del Principáu d'Asturies (RTPA).
Enllaces esternos
Ficha de Santi F. Ochoa nel Archiu de la Lliteratura Asturiana (Araz.net) Perfil profesional de Santi Ochoa en Jardín SEM