El terremotu de Colombia de 2026 foi un terremotu de magnitú 7,4 qu'afeutó al departamentu de Chocó, en Colombia, esautamente na redolada del conceyu de San José del Palmar, ocurríu'l 10 d'agostu de 2026 a les 7:34 (UTC-5). El terremotu foi sentíu en delles ciudaes de Colombia y Ecuador, onde'l terremotu sintióse con gran intensidá.
Hai rellatos de daños en viviendes, edificios y monumentos nes árees na redolada al epicentru, amás de posibles mancaos, d'alcuerdo col balance más reciente de los muérganos nacionales d'emerxenza. Al menos 132 persones finaes foron confirmaes por mor del sutrumíu.
Sutrumíu miniaturadeimagen|Mapa de temblor d'USGC. El sutrumíu rexistró una magnitú 7,4 na escala de magnitú del momentu y tuvo llugar a una profundidá de 110.3 km, sigún el Serviciu Xeolóxicu de los Estaos Xuníos (USGS). El Serviciu Xeolóxicu Colombianu atribuyó la mesma magnitú al acontecimientu y reportó una profundidá de 96 km. El so centru foi'l departamentu de Chocó, a 20 km del conceyu de San José del Palmar, y tuvo llugar a les 07:34 hora llocal. El sismu representó una ruptura nel interior de la placa de Nazca mientres esta sufrió una subducción escontra'l este so la placa sudamericana, a lo llargo de la fosa ecuatu-colombiana. Una réplica de magnitud Mb 5,0 acontenció a les 8:18 hora llocal.
Contestu tectónicu La rexón de Colombia ye una de les más complexes dende la tectónica, marcada pola converxencia ente la placa de Nazca, la placa de Sudamérica y el Bloque de Panamá (placa del Caribe).
El sutrumíu del 10 d'agostu de 2026 tuvo llugar a una profundidá media de aproximadamente 110 km. Tratóse de un evento de deformación interplacal por falla de deslizamientu (stripe-slipe) nel interior de la subducía placa de Nazca, mientres esta somérxese escontra l'este baxo la placa Sudamericana a lo llargo de la fuesa ecuatu-colombiana. Por cuenta de la fondura intermedia del hipocentru, la enerxía sísmica espardióse de forma eficiente per cientos de quilómetros, lo que dexó que'l temblor se sintiera con fuerte intensidá en grandes centros urbanos como Bogotá, Cali y Medellín, ensin xenerar, sicasí, riesgu de tsunami nel océanu Pacíficu.
Impautu Informáronse de daños graves en Manizales (Caldas) y delles persones resultaron mancaes. Una de les torres de la Catedral Basílica de la Nuesa Señora del Rosariu derrumbóse sobre la nave. Un edificiu de cuatru pisos derrumbóse parcialmente na ciudá. Tamién rexistráronse mancaos y daños severos en Quibdó (Chocó). El terminal del Aeropuertu Internacional Matecaña sufrió un colapsu parcial. Igualmente, delles construcciones sufrieron daños n'Armenia (Quindío). Nel departamentu de Cundinamarca, hebo dos informes de daños n'edificaciones, incluyendo estragos na cadarma nuna escuela en Nilo. Alejandro Eder, alcalde de Cali, afirmó que polo menos 19 edificios colapsaron, dexando un númberu indetermináu de persones atrapaes. Polo menos una edificación, nel barriu d'El Lido, sufrió un colapsu total. Tamién s'informó de daños graves nel Hospital Universitariu del Valle. Reportáronse daños adicionales nos aeropuertos de Pereira, Manizales, Quibdó, Armenia, Cartago y Buenaventura.
El terremotu foi sentíu fuertemente en Bogotá, onde foron evacuados edificios. L'alcalde Carlos Fernando Galán informó que dellos edificios presentaben furacos, pero nun hebo informes de daños graves. Los temblores foron tamién sentíos en Panamá y Ecuador.
Rempuestes Dellos gobiernos y xefes d'Estáu del mundu espresaron la so solidaridá y ufrieron aida humanitaria y equipos de rescate a Colombia tres el sutrumíu:
: El presidente Luiz Inácio Lula da Silva espresó na so cuenta de X la so solidaridá col pueblu colombianu y punxo a Brasil a disposición p'apurrir el sofitu necesariu. : El gobiernu del presidente José Antonio Kast, al traviés del Ministeriu de Rellaciones Esteriores, emitió un comunicáu nel qu'espresó la so solidaridá y punxo a disposición la so collaboración coles autoridaes colombianes pa contribuyir nes xeres de respuesta. : El presidente Daniel Noboa manifestó la so solidaridá al traviés de X y punxo a disposición darréu l'equipu rescataor USAR, compuestu por 47 rescatistes, canes especializaos ya equipamientu con autonomía pa operar mientres siete díes. : El presidente del Gobiernu Pedro Sánchez tresmitió'l so ciñu y solidaridá coles víctimes y afeutaos. Pela so parte, el ministru d'Asuntos Esteriores José Manuel Albares manifestó en X que "Sigo la situación en Colombia tres el tarrecible terremotu. La mio solidaridá col pueblu hermanu de Colombia". : El secretariu d'Estáu Marco Rubio espresó la so solidaridá y aseguró que l'alministración de Donald Trump taba llista pa unviar aida humanitaria. : El presidente Emmanuel Macron indicó na rede social X que, en nome de Francia, tresmitía los sos pensamientos más sinceros al pueblu colombianu ante'l tarrecible terremotu. : El presidente Bernardo Arévalo esplicó que dende'l so gobiernu taben siguendo con muncha preocupación y pesar la situación xenerada pol sismu. : La presidenta Claudia Sheinbaum afirmó mientres una rueda de prensa qu'atenderíen les embaxaes de dambos países y ufiertó aida al pueblu colombianu en casu de ser necesaria. : El presidente Luis Abinader espresó la so más fonda solidaridá en nome del pueblu dominicanu y afirmó la disposición del so país p'apurrir asistencia téunica y aida humanitaria. : El presidente Nayib Bukele ufiertó'l so sofitu incondicional al traviés de X, informando que calteníen comunicación y taben listos pa unviar equipos de rescate, médicos, paramédicos ya insumos. : El presidente Volodímir Zelenski espresó les sos condolencies a les families de les víctimes y reafitó'l so plenu sofitu y solidaridá col pueblu de Colombia. : El ministru de Rellaciones Esteriores Félix Plasencia ufiertó l'unvíu d'un grupu de rescatistes y ayuda humanitaria pa les xeres d'emerxencia.
Referencies
Categoría:Terremotos Categoría:2026 Categoría:Colombia