La dilatación del tiempu ye un fenómenu predichu poles teoríes de la relatividá nel que'l tiempu trescurríu ente dos acontecimientos puede tener valores distintos pa observadores que siguen trayectories diferentes o que se encuentran en distintos campos gravitatorios. Na relatividá especial, un reló en movimientu con respectu a un observador mide menos tiempu propiu ente dos acontecimientos que'l tiempu coordináu midíu por esi observador, y l'efectu aumenta a midida que la velocidá relativa s'avera a la velocidá de la lluz. Na relatividá xeneral produzse amás una dilatación temporal gravitatoria: los relós situaos en rexones con un potencial gravitatoriu menor avancen más despacio con respectu a los situaos nun potencial mayor. Estos efectos fueron comprobaos experimentalmente con relós atómicos y tienen aplicaciones práctiques, por exemplu na correición de los relós de los satélites de los sistemes de navegación como'l GPS. La dilatación temporal explica tamién la diferencia d'edá que se produz nel esperimentu mental conocíu como paradoxa de los ximielgos.
Referencies
Enllaces esternos
Categoría:Relatividá Categoría:Tiempu Categoría:Física