Double Star foi una misión científica conxunta de l’Axencia Espacial Nacional China (CNSA) y l'Axencia Espacial Europea (ESA) destinada al estudiu de la magnetosfera terrestre y de la so interacción cola actividá solar.
La misión taba formada por dos satélites chinos, TC-1 y TC-2. TC-1 foi llanzáu’l 29 d’avientu de 2003 dende Xichang nuna órbita cercana al planu ecuatorial terrestre, ente que TC-2 foi llanzáu’l 25 de xunetu de 2004 dende Taiyuan nuna órbita polar.
Les sos órbites diseñáronse pa complementar les observaciones de los cuatro satélites de la misión Cluster. La ESA proporcionó ocho instrumentos científicos, siete d’ellos derivaos de los utilizaos en Cluster.
Double Star foi la primer misión espacial científica china realizada en cooperación cola ESA. La misión terminó oficialmente’l 14 d’ochobre de 2007.
Referencies
Categoría:Misiones de l'Axencia Espacial Europea Categoría:Programa espacial de China Categoría:Satélites científicos Categoría:Magnetosfera