Marta Roure ye una cantante andorrana pop en catalán. En 2004 convirtióse na primer representante del país de los Pirineos nel Festival de la Canción d'Eurovisión.
Fía y ñeta de músicos, cantó en varies orquestes del so país. A los 23 años presentóse al programa realizáu poles televisiones andorrana y catalana pa escoyer el cantar y el representante de la llingua catalana n´Eurovisión.
A la fin, Marta Roure salió vencedora col tema “Jugarem a estimar-nos” col que viaxó a Estambul en 2004. Esi mesmu añu asoleyó´l so primer álbum, entituláu “Nua” (Desnuda). Anguaño, tien aparacada la so carrera musical pa dedicase al teatru.
Referencies
Enllaces esternos
Categoría:Cantantes d'Andorra Categoría:Cantantes de pop Categoría:Persones d'Andorra la Vieya