Booster T1 ye un robot humanoide desarrolláu pola empresa china Booster Robotics y presentáu en 2024. Foi diseñáu principalmente como plataforma pa investigación, educación y competiciones de fútbol robóticu, con especial atención a la locomoción bípeda, la percepción visual y la toma de decisiones autónoma.«Booster T1», Booster Robotics.
El robot mide 1,18 metros, pesa unos 30 kg y tien 23 graos de llibertá na configuración básica: seis en cada pierna, cuatro en cada brazu, ún na cintura y dos na cabeza. Puede incorporar sistemas adicionales de computación y percepción y foi diseñáu con interfaces de desenvolvimientu abiertes pa permitir a universidades y centros de investigación crear algoritmos propios.
Booster T1 consiguió gran relevancia nel fútbol robóticu. En 2025 foi utilizáu pol equipu Tsinghua Huoshen pa ganar la categoría adulta de la RoboCup y por más de cuarenta equipos nos primeros Xuegos Mundiales de Robots Humanoides.«Sobre Booster Robotics», Booster Robotics. En xunetu de 2026, Tsinghua Huoshen volvió ganar la RoboCup utilizando T1.«清华大学火神队卫冕“机器人足球世界杯”», Beijing Youth Daily, 5 de xunetu de 2026.
Nos Xuegos Mundiales de Robots Humanoides de 2026, T1 volvió utilizase como robot de fútbol na categoría grande xunto col nuevu Booster T2.«开幕式上拼出“BEIJING”的机器人，运动会上还有新身份», Beijing Daily, 22 d'agostu de 2026. La organización y Booster Robotics proporcionaron robots de la familia T a distintos equipos internacionales, facilitando la participación de grupos que nun disponíen d'una plataforma humanoide propia.
Referencies
Enllaces esternos Booster T1 nel sitiu oficial
Categoría:Robots humanoides