L'añu 2041 foi utilizáu como escenariu en diverses obres de ciencia ficción, especialmente narratives sobre intelixencia artificial, automatización, realidá virtual, robótica y les consecuencies sociales del desenvolvimientu tecnolóxicu. Una de les obres más directamente venceyaes a esti añu ye AI 2041: Ten Visions for Our Future (2021), de Kai-Fu Lee y Chen Qiufan, que combina diez relatos especulativos ambientaos nel 2041 con ensayos sobre les tecnoloxíes representaes.
Fechos
En AI 2041: Ten Visions for Our Future (2021), Kai-Fu Lee y Chen Qiufan presenten diez escenarios distintos del 2041 basaos nel posible desenvolvimientu de tecnoloxíes d'intelixencia artificial. Les histories desendólquense en distintos países y analicen aplicaciones y problemes derivaos del aprendizaxe fondu, la robótica, la realidá virtual y mista, el procesamientu del llinguaxe natural, la computación cuántica y les armes autónomes.
En Mumbai, una de les histories presenta una adolescente cuya vida sentimental ta condicionada por sistemes d'intelixencia artificial qu'analicen grandes cantidaes de datos personales y asignen riesgos a les decisiones de los usuarios.
En Seúl, unos hermanos güérfanos interactúen con compañeros y profesores virtuales dotaos de sistemes avanzaos de procesamientu del llinguaxe natural, plantegando les posibilidaes de la intelixencia artificial aplicada a la educación y a les rellaciones personales.
En Tokio, una historia presenta formes avanzaes d'entretenimientu basáu na combinación de realidá virtual y realidá mista, utilizaes pa crear esperiencies inmersives alredor de figures de la cultura popular.
En San Francisco, l'automatización provocada polos sistemes d'intelixencia artificial llevó a la creación d'una industria dedicada a la recolocación profesional de trabayadores cuyos emplegos fueron sustituyíos por sistemes automáticos.
En Múnich, un científicu especializáu en computación cuántica utiliza esta y otres tecnoloxíes d'intelixencia artificial como parte d'un plan de vengación capaz de poner en peligru a la población.
Obres ambientaes nel 2041
Lliteratura
2041: Twelve Short Stories About the Future (1991), antoloxía editada por Jane Yolen formada por doce relatos sobre la vida futura, con histories centraes na educación, les invenciones, les modes y los cambios culturales.
AI 2041: Ten Visions for Our Future (2021), de Kai-Fu Lee y Chen Qiufan, obra formada por diez relatos ambientaos nel 2041 acompañaos d'ensayos que describen les tecnoloxíes representaes y les sos posibles consecuencies sociales.
Ver tamién
2041 Ciencia ficción Intelixencia artificial na ciencia ficción Robots na ciencia ficción Realidá virtual Computación cuántica
Referencies
Enllaces esternos
Categoría:2041 2041