8674 (MMMDCLXXIV) va ser un añu normal entamáu en vienres nel calendariu gregorianu.
Fenómenos astronómicos
25 de febreru: Xúpiter va pasar parcialmente per delantre de Saturnu, produciendo una superposición de los discos aparentes de los dos planetes. Los cálculos dan una separación mínima ente los sos centros d'alredor de 0,2 minutos d'arcu.
El fenómenu va ser un tránsitu de Xúpiter sobre Saturnu, yá que'l discu aparente de Xúpiter va tapecer solo parcialmente'l de Saturnu.
Estes superposiciones son excepcionalmente rares. Los cálculos de Patrick Hartigan, basaos nes efemérides planetaries DE431 del Jet Propulsion Laboratory, identifiquen cuatro superposiciones de Xúpiter y Saturnu ente los años 10.000 e.C. y 10.000: la del 1 de xunu del 6857 e.C., les del 16 de febreru y 17 de xunu de 7541 y la del 25 de febreru de 8674.
La conxunción de 8674 forma parte d'una serie d'aproximaciones particularmente estreches separaes por un ciclu d'alredor de 854 años. Esti periodu correspuende aproximadamente a 43 ciclos sinódicos de Xúpiter y Saturnu y fai que los planetes vuelvan a una configuración orbital asemeyada vista dende la Tierra.
Los cálculos de fenómenos planetarios a tantos milenios de distancia tienen una incertidume mayor que les efemérides correspondientes a periodos próximos a l'actualidá, polo que la xeometría exacta del tránsitu depende de la precisión de les efemérides planetaries utilizaes.
Referencies
Enllaces esternos
Categoría:Sieglu LXXXVII Categoría:Años futuros