Corsarios de Levante ye una novela del escritor español Arturo Pérez-Reverte. Ye la sexta entrega de la coleición Las aventuras del capitán Alatriste, publicada el 4 d'avientu de 2006. La novela t'ambientada nes constantes batalles navales ente los soldaos españoles y los corsarios bereberes y turcos, a lo llargo de tol Mar Mediterraneu.
Personaxes Diego Alatriste y Tenorio, "Capitán Alatriste" Íñigo Balboa y Aguirre Sebastián Copons el mogataz Gurriato Francisco de Quevedo Gualterio Malatesta Capitán Alonso de Contreras
Argumentu El llibru entama cuntando Las aventuras del capitán Alatriste ya Íñigo Balboa nel so asaltu a los corsarios turcos,holandeses ya ingleses na galera la Mulata, camín d'Orán. Nesta ciudá,na fastera norte d'África, y ocupada por l'Imperiu Hispánicu de los Austries, los protagonistes alcuentrense de nuevu col so collaciu Sebastián Copons, qu'ellí s'alcontraba n'espera de llicencia pa poder tornar a España. Equí, Alatriste ya Íñigo comprobaron les penuries d'un llugar ensin vida, onde la xente lluchaba por sobrevivir. Nesti episodiu, alcontramos una descripción de les cabalgaes: saqueos que realizaben los españoles en busca de botines.
N'Orán, unense, a Alatriste y Balboa, Sebastián Copons y el mogataz Gurriato, personaxe que, según s'adivina na novela, acompañará darréu a los protagonistes.
La obra amuesa les aventures de la galera la Mulata pel Mediterraneu, asaltando embarcaciones turques y pasando per llugares comu Malta, Nápoles (onde Íñigo alcuéntrase col so collaciu de Flandes, Jaime Correas; teniendo d'algún altercau con un tahúr florentín) y la costa griega de Xío.
La obra fina col combate ente tres galeres cristianes: la Cruz de Rodas, la Caridad Negra y la Mulata y ocho galeres turques, frente la costa del egea d'Anatolia, cerca de l'actual Esmirna.
Ente les trames que Pérez-Reverte dexa en suspensu pa siguientes noveles, destaca una carta que, dende América, unvia Angélica de Alquézar a Íñigo, proponiéndo-y grandes coses si entovía l'ama.
Otru aspeutu rellevante nel conxuntu de noveles, ye que, en contra de lo que se pudiera deducir de la novela El caballeru'l xubón amariellu, l'italianu Gualterio Malatesta, nun ye executau, como cree Diego Alatriste; si non que por una carta que recibe de don Francisco de Quevedo, llega a saber que Gualterio mercó so propia vida.
Referencies
Enllaces esternos Web oficial de Arturo Pérez-Reverte
Categoría:Las aventuras del capitán Alatriste