Vanessa Nakate ye una activista climática ugandesa. Fundó'l Rise Up Movement y participó nel movimientu internacional de movilizaciones xuveniles contra'l cambiu climáticu. Dende 2022 ye embaxadora de bona voluntá d'UNICEF.«Vanessa Nakate», UNICEF.
Biografía Nakate nació en Kampala, Uganda, y estudió alministración d'empreses na Makerere University Business School. En xineru de 2019 empezó a manifestase semanalmente en Kampala inspirada poles movilizaciones escolares promovíes por Greta Thunberg. La so actividá centraríase especialmente nel impactu del cambiu climáticu n'África y na escasa representación del continente nel debate climáticu internacional.
Fundó'l Rise Up Movement, una rede destinada a dar mayor visibilidá a activistes climáticos africanos, y promovió un proyectu pa instalar paneles solares y cocines eficientes n'escueles ugandeses. Participó amás en distintes Conferencies de les Naciones Xuníes sobre'l Cambiu Climáticu y n'otros foros internacionales.
En xineru de 2020 ganó una amplia repercusión internacional dempués de que l'axencia Associated Press publicara una fotografía de cinco activistes en Davos recortando a Nakate de la imaxe. La activista denunció'l casu como un exemplu de la invisibilización de les voces africanes nel movimientu climáticu.«Remarks at the appointment of Vanessa Nakate as a UNICEF Goodwill Ambassador», UNICEF, 15 de setiembre de 2022.
En 2021 publicó A Bigger Picture, onde rellata la so esperiencia nel activismo y defende una respuesta al cambiu climáticu que tenga en cuenta les desigualdaes sociales y xeográfiques. UNICEF nomóla embaxadora de bona voluntá en setiembre de 2022, dempués de collaborar con ella en campañes sobre los efeutos de la seca y la inseguridá alimentaria nel Cuernu d'África.«UNICEF appoints climate activist Vanessa Nakate as Goodwill Ambassador», UNICEF, 15 de setiembre de 2022.
Publicaciones A Bigger Picture: My Fight to Bring a New African Voice to the Climate Crisis (2021)
Referencies
Enllaces esternos
Perfil n'UNICEF
Categoría:Activistes d'Uganda Categoría:Ambientalistes d'Uganda Categoría:Activistes contra'l cambiu climáticu Categoría:Nacíos en Kampala