La quema de la fábrica Triangle Shirtwaist foi un desastre industrial producíu'l 25 de marzu de 1911 nel edificiu Asch de Manhattan, en Nueva York. Na quema morrieron 146 trabayadores de la empresa Triangle Waist Company, la mayoría muyeres inmigrantes.
La fábrica ocupaba les plantes octava, novena y décima del edificiu. Les deficientes midíes de seguridá y les dificultaes p'abandonar les instalaciones contribuyeron al eleváu númberu de víctimes.
123 muyeres y moces y 23 homes morrieron pola acción del fueu y el fumu o al saltar dende les plantes superiores. Una parte importante de les víctimes yeren inmigrantes xudíes ya italianes.
La repercusión pública del desastre impulsó reformes de les normes de prevención de quemes, seguridá industrial y condiciones de trabayu nel estáu de Nueva York y convirtió la quema nun referente de la historia del movimientu obreru d'Estaos Xuníos.
Referencies
Enllaces esternos
Categoría:Incendios nos Estaos Xuníos Categoría:Historia de Nueva York Categoría:Desastres industriales Categoría:1911 nos Estaos Xuníos