Wilma Pearl Mankiller foi una activista y política cheroqui d'Estaos Xuníos. Exerció como xefa principal de la Nación Cheroqui ente 1985 y 1995, convirtiéndose na primer muyer escoyida pa ocupar el cargu y nuna de les principales figures indíxenes de la política d'Estaos Xuníos contemporánea.«Wilma Mankiller», National Women's History Museum.
Biografía Mankiller nació cerca de Tahlequah, Oklahoma, y foi la sexta d'once hermanos. La familia vivía en territoriu cheroqui hasta que, nel marcu del programa federal de relocalización d'indíxenes, se trasladó a San Francisco en 1956.
Na década de 1960 entró en contautu col movimientu indíxena de California y participó en causes como la ocupación d'Alcatraz. En 1977 volvió a Oklahoma y empezó a trabayar pa la Nación Cheroqui, especialmente en proyectos de desenvolvimientu comunitariu.
En 1983 foi escoyida vicexefa principal na candidatura de Ross Swimmer. Cuando Swimmer abandonó'l cargu en 1985 pa incorporase al gobiernu federal, Mankiller pasó a ser xefa principal. En 1987 ganó les elecciones pa ocupar el cargu por derechu propiu y foi reelixida en 1991.
Mientres el so mandatu la Nación Cheroqui amplió los servicios sanitarios y educativos, construyó infraestructures y aumentó notablemente'l númberu de ciudadanos rexistraos. Mankiller defendió un modelu de desenvolvimientu basáu na participación comunitaria y na soberanía de los pueblos indíxenes.
Dexó'l cargu en 1995 por problemes de salú, pero siguió participando n'actividaes públiques. En 1998 el presidente Bill Clinton concedió-y la Medaya Presidencial de la Llibertá. La so autobiografía, Mankiller: A Chief and Her People, publicóse en 1993.
Publicaciones Mankiller: A Chief and Her People (1993), con Michael Wallis Every Day Is a Good Day (2004)
Referencies
Enllaces esternos Wilma Mankiller nel National Women's History Museum
Categoría:Políticos d'Estaos Xuníos Categoría:Cheroquis Categoría:Activistes polos derechos indíxenes Categoría:Nacíos n'Oklahoma