Stanley Quencher ye un vasu térmicu reutilizable de gran capacidá fabricáu pola marca d'Estaos Xuníos Stanley. El productu, conocíu tamién popularmente como Stanley Cup, foi introducíu en 2016.
El Quencher ye un recipiente de aceru inoxidable con doble parede y aisllamientu al vacuu, asa lateral y tapa reutilizable preparada pa utilizar una paya. Una de les versiones más populares tien una capacidá de 40 onces líquides d'Estaos Xuníos, unos 1,18 litros.
Les ventes iniciales fueron moderaes y Stanley llegó a considerar la retirada del productu. La web de recomendación de productos The Buy Guide, creada por tres muyeres d'Estaos Xuníos, empezó a promocionalu ente la so audiencia y demostró una demanda creciente del modelu.
A partir de 2020, Stanley amplió considerablemente la gama de colores y la promoción dixital del Quencher. El productu convirtióse nun fenómenu comercial nes redes sociales, especialmente en TikTok, y pasó a ser el productu más vendíu de la marca.
La popularidá del Quencher contribuyó al fuerte aumentu de la facturación de Stanley a principios de la década de 2020.
Referencies
Enllaces esternos Sitiu web oficial de Stanley
Categoría:Recipientes Categoría:Productos reutilizables Categoría:Productos introducíos en 2016