Gwendolyne "Gwen" Stacy ye un personaxe ficticiu de los cómics publicaos por Marvel Comics, principalmente asociáu a les histories de Spider-Man. Creáronla Stan Lee y Steve Ditko y debutó en The Amazing Spider-Man nᵘ 31, publicáu en 1965.Marvel Masterworks: The Amazing Spider-Man Vol. 4, Marvel.
Gwen ye fía del capitán de policía George Stacy y estudia na Empire State University, onde conoz a Peter Parker, Harry Osborn y Mary Jane Watson. Ella y Peter desarrollen una relación sentimental que se convierte nún de los principales elementos de la vida personal del protagonista durante esta etapa de la serie.Gwen Stacy (2020) #1, Marvel.
La relación vese afectada pola muerte del capitán Stacy durante un enfrentamientu ente Spider-Man y Doctor Octopus, y posteriormente pola propia muerte de Gwen. El Green Goblin secuéstrala y provoca la so cayida del puente George Washington, acontecimientu narráu en The Amazing Spider-Man nᵘ 121 y conocíu como ún de los episodios más decisivos de la historia de Spider-Man. La muerte del personaxe marcó profundamente a Peter Parker.Spider-Man (Peter Parker) In Comics Powers, Villains, Enemies | Marvel, Marvel.
Distintes realidaes alternatives de Marvel introducieron otres versiones del personaxe. La más destacada ye la Gwen Stacy de Tierra-65, mordida por una araña radioactiva y convertida en Spider-Woman, conocida editorialmente como Spider-Gwen y posteriormente Ghost-Spider. Esta encarnación ye un personaxe distintu de la Gwen Stacy principal de Tierra-616.Ghost-Spider (Gwen Stacy) | Characters | Marvel, Marvel.
Referencies
Enllaces esternos
Categoría:Personaxes de Spider-Man Categoría:Personaxes de Marvel Comics Categoría:Personaxes creaos por Stan Lee Categoría:Personaxes creaos por Steve Ditko Categoría:Personaxes creaos en 1965